શેરબજાર : નબળા વૈશ્વિક સંકેતોના પગલે સેન્સેક્સ 539 અંક ઘટ્યો, નિફ્ટી 11400ની નીચે : કોટક મહિન્દ્રા, SBIના શેર ઘટ્યા

0
5

નબળા ગ્લોબલ સંકેતોના પગલે ભારતીય શેરબજારો આજે ઘટાડા સાથે ખુલ્યા છે. સેન્સેક્સ 539 અંક ઘટીને 38541 પર કારોબાર કરી રહ્યો છે. જ્યારે નિફ્ટી 160 અંક ઘટીને 11366 પર કારોબાર કરી રહ્યો છે. સેન્સેક્સ પર કોટક મહિન્દ્રા, એસબીઆઈ, એક્સિસ બેન્ક, ઈન્ડસઈન્ડ બેન્ક સહિતના શેરોમાં ઘટાડો જોવા મળી રહ્યો છે. કોટક મહિન્દ્રા 2.55 ઘટીને 1361.00 પર કારોબાર કરી રહ્યો છે. જ્યારે એસબીઆઈ 2.49 ટકા ઘટીને 207.85 પર કારોબાર કરી રહ્યો છે. જોકે મારૂતિ સુઝુકી, ભારતી ઈન્ફ્રાટેલ, બ્રિટાનિયા, સિપ્લા અને મારૂતિ સુઝુકી સહિતના શેરમાં વધારો જોવા મળી રહ્યો છે. મારૂતિ સુઝુકી 0.07 ટકા વધીને 7706.30 પર કારોબાર કરી રહ્યો છે. ભારતી એરટેલ 4.16 ટકા વધીને 227.60 પર કારોબાર કરી રહ્યો છે.

ગુરુવારે સેન્સેક્સ ઘટીને બંધ થયો હતો

આ પહેલા ગુરુવારે સેન્સેક્સ 95 અંક ઘટીને 38990.84 પર અને નિફ્ટી 8 અંક ઘટીને બંધ થયો હતો. ગઈકાલે સવારે સેન્સેક્સ 80 અંક વધી 39,165.80 પર અને નિફ્ટી 31 અંક વધી 11566.20 પર ખુલ્યો હતો. ગઈકાલે કેટલાક બેન્કિંગ સ્ટોક્સમાં ઘટાડો રહ્યો, જેમાં આઈસીઆઈસીઆઈ બેન્ક અને એક્સિસ બેન્કના શેર સામેલ હતા. નિફ્ટી પર ભારતી ઈન્ફ્રાટેલનો શેર 11 ટકા અને ગ્રાસિમનો શેર 7 ટકાથી વધુ વધારા સાથે બંધ થયો હતો.

વિશ્વના બજારોમાં વધારો જોવા મળ્યો

ગુરુવારે વિશ્વના બજારોમાં ઘટાડો જોવા મળ્યો હતો. અમેરિકાનું બજાર ડાઉ જોન્સ 2.78 ટકા ઘટાડા સાથે 80.77 અંક વધી 28,292.70 પર બંધ થયું હતું. જ્યારે બીજું અમેરિકાન બજાર નેસ્ડેક 5.23 ટકા ઘટીને 649.18 અંક ઘટી 11,771.40 પર બંધ થયું હતું. બીજી તરફ એસએન્ડપી 3.51 ટકા ઘટાડા સાથે 125.78 અંક ઘટી 3,445.06 પર બંધ થયું હતું. બીજી તરફ ચીનનો શંઘાઈ કમ્પોઝિટ 1.38 ટકા ઘટાડા સાથે 46.84 અંક ઘટીને 3338.14 પર બંધ થયો હતો. ઈટાલી, જર્મની અને ફ્રાન્સનું બજાર પણ ઘટાડા સાથે બંધ થયું હતું

LEAVE A REPLY

Please enter your comment!
Please enter your name here