વૈશ્વિક બજારોના મિશ્ર વલણ વચ્ચે સ્થાનિક બજારે ગુરુવારે કારોબારની ખરાબ શરૂઆત કરી હતી. બંને મુખ્ય સ્થાનિક સૂચકાંકો BSE સેન્સેક્સ અને NSE નિફ્ટી લાલ નિશાનમાં ખુલ્યા હતા. આ સંકેત આપી રહ્યું છે કે સ્થાનિક બજારો સતત બીજા દિવસે ઘટાડામાં રહી શકે છે. આ પહેલા બુધવારે માર્કેટની સતત 3 દિવસની તેજી પર બ્રેક લાગી હતી.
વૈશ્વિક બજારમાંથી મિશ્ર સંકેતોની વચ્ચે આજે ભારતીય શેરબજારમાં મંદી સાથે શરૂઆત થઈ છે. સેન્સેક્સ 33.58 પોઈન્ટ અથવા 0.05% ઘટીને 61,740.20 પર અને નિફ્ટી 11.80 પોઈન્ટ અથવા 0.06% ઘટીને 18,273.60 પર હતો. લગભગ 1233 શેર વધ્યા, 779 શેર ઘટ્યા અને 94 શેર યથાવત છે. બ્રિટાનિયા, પાવર ગ્રીડ કોર્પ, બજાજ ઓટો, આઇટીસી અને કોટક મહિન્દ્રા બેન્ક નિફ્ટીમાં ટોપ ગેઈનર્સ હતા, જ્યારે હિન્દાલ્કો, જેએસડબ્લ્યુ સ્ટીલ, ટાટા મોટર્સ, ઓએનજીસી અને એચસીએલ ટેક્નોલોજીસ ટોપ લુઝર્સ હતા.
સવારે 09:15 વાગ્યે માર્કેટમાં ટ્રેડિંગ શરૂ થયું ત્યારે બીએસઈનો 30 શેરનો ઈન્ડેક્સ સેન્સેક્સ મંદીમાં રહ્યો. શરૂઆતના કારોબારમાં તે લગભગ 30 પોઈન્ટના ઘટાડા સાથે 61,750 પોઈન્ટની નજીક ટ્રેડ થઈ રહ્યો હતો. નિફ્ટી લગભગ 15 પોઈન્ટના ઘટાડા બાદ 18,275 પોઈન્ટની નજીક ટ્રેડ થઈ રહ્યો હતો. જોકે, બંને સૂચકાંકોએ ટ્રેડિંગની શરૂઆતની થોડી મિનિટોમાં જ રિકવર થયા હતા. સવારે 09:20 વાગ્યે બંને સૂચકાંકો નજીવા વધારા સાથે ગ્રીન ઝોનમાં ટ્રેડ થઈ રહ્યા હતા.
