પાલિકાના રાંદેર ઝોને શીતલ ચાર રસ્તા પાસે જૂના પોંકનગરના દેવીપૂંજક વસાહત ખાતે સીસી રોડ બનાવ્યો છે. રવિવારે સવારે આ નવા રોડનું ઉપરા છાપરી બે વખત ઉદ્ઘઘાટન કરી દેવાતાં આશ્ચર્ય સર્જાયું છે, મેયર હેમાલી બોઘાવાલાએ ઉદ્ઘાટન કર્યા બાદ ધારાસભ્ય પૂર્ણેશ મોદીએ પણ રિબીન કાપી હતી. એનાથી વિશેષ વાત એ છે કે, રાંદેર ઝોનને તો તે અંગેની જાણ સુદ્ઘા ન હતી.
સવારે પોણા દશ કલાકે પહેલું ઉદ્ઘઘાટન મેયર હેમાલી બોઘાવાલાએ કર્યું હતું તો ત્યાર બાદ 10.30 કલાકે ધારાસભ્ય પૂર્ણેશ મોદી દ્વારા ઉદ્ઘાટન કરાયું હતું. એટલું જ નહીં ત્યાર બાદ સ્થાનિક કોર્પોરેટર કેયૂર ચપટવાલાએ પણ નારિયેળ ફોડી ઉદ્ઘાટન કર્યું. એક નવો રસ્તો અને ઉપરા છાપરી ઉદ્ઘાટનનો કરવામાં આવતાં વિવાદ થયો છે. આ બે વારનો ઉદ્ઘાટન કાર્યક્રમ શહેરમાં ચર્ચાનો વિષય બન્યો છે.