સુરત : લિંબાયતમાં ઉર્દૂ સ્કૂલમાં છેડતી કરવા હથિયાર સાથે આવેલા રોમિયોને પોલીસ હવાલે કરાયો

સુરતઃલિંબયાત વિસ્તારમાં આવેલી પદ્માવતી સોસાયટીમાં આવેલી પાલિકા સંચાલિત ઉર્દૂ સ્કૂલ નંબર 35 કન્યા શાળામાં બપોરના સમયે ચપ્પુ લઈને વિદ્યાર્થી ઘુસી આવ્યો હતો. જેથી શાળામાં ભારે ધમાલ મચી ગઈ હતી. કોલોનીના લોકોએ સ્કૂલ પર જઈને હોબાળો મચાવ્યો હતો. લિંબાયત પોલીસે યુવકની અટકાયત કરી હતી.

પંદરેક દિવસથી યુવક આવતોઃ વાલી

ઘટના સ્થળે હોબાળો મચાવતાં વાલીઓએ જણાવ્યું હતું કે, આ યુવક કોઈ છોકરીની છેડતી કરવા છેલ્લા પંદરેક દિવસથી આવતો હતો. આજે સ્કૂલના કમ્પાઉન્ડમાં તિક્ષ્ણ હથિયાર સાથે ઘુસી આવ્યો હતો.યુવકે વિદ્યાર્થિનીઓને ચપ્પુ બતાવતા મામલો બિચકાયો હતો.કોલોનીના લોકો ઘુસી ગયો હતો. લિંબાયત પોલીસ પણ ઘટના સ્થળે દોડી આવી હતી અને યુવકની અટકાયત કરી હતી. જો કે, રોષે ભરાયેલા લોકોએ પોલીસ સ્ટેશન જવાની સાથે સ્કૂલે એકઠા થઈ હોબાળો મચાવ્યો હતો.