સુરત : મહિલા PSI આપઘાત : અમિતા જોશીને ગાર્ડ ઓફ ઓનર અપાયું, અંતિમયાત્રામાં પરિવારજનોનું હૈયાફાટ રૂદન.

0
0

સુરતના ઉધના પોલીસ મથકમાં ફરજ બજાવતા 33 વર્ષીય મહિલા PSI અમિતા જોશીએ શનિવારે પોતાની સર્વિસ રિવોલ્વરથી પેટમાં ગોળી મારી આપઘાત કર્યો હતો. અમિતા જોશીએ નાઇટ ડ્યુટીથી પરત ફરી બપોરે આ અંતિમ પગલું ભર્યું હતું. રવિવારે તેઓની અંતિમયાત્રા પહેલા સુરત પોલીસ દ્વારા ગાર્ડ ઓફ ઓનર આપવામાં આવ્યું હતું. અંતિમયાત્રામાં પોલીસ સહિત પરિવારજનો જોડાયા હતા. અશ્રુભીની આંખે તેઓને અંતિમ વિદાય આપી હતી.

આપઘાત કરનાર મહિલા પીએસઆઈને ગાર્ડ ઓફ ઓનર આપવામાં આવ્યું.
આપઘાત કરનાર મહિલા પીએસઆઈને ગાર્ડ ઓફ ઓનર આપવામાં આવ્યું.

 

ડાયરીમાં જીવવું અઘરૂ છે લખી આપઘાત કર્યો

ઉધના પોલીસની પટેલ નગર ચોકીના 33 વર્ષીય મહિલા પીએસઆઇ અમિતા જોશીએ શનિવારે પોતાની સર્વિસ રિવોલ્વરથી પેટમાં ગોળી મારી આપઘાત કર્યો હતો. અમિતા જોશીએ નાઇટ ડ્યુટીથી પરત ફરી બપોરે આ અંતિમ પગલું ભર્યું હતું. પોલીસને મળેલી ડાયરીમાં પોતે જીવવું અઘરું છે.મારા મોત માટે કોઈ જવાબદાર નથી એવું લખી જીવન ટૂંકાવ્યું હતું.ઉચ્ચ પોલીસ અધિકારીઓ સહિતનો કાફલાએના ફાલસાવાડી સ્થિત 103 નંબરના ફ્લેટે પહોંચી એફએસએલની મદદથી તપાસ શરુ કરી હતી. તેમના પતિ સચિન પોલીસ મથકમાં એમિટી ડ્રાઇવર તરીકે બજાવે છે.

મહિલા પીએસઆઈના પિતાના હૈયાફાટ રૂદનથી માહોલ ગમગીન થઈ ગયો.

 

મહિલા પીએસઆઈના પિતાના હૈયાફાટ રૂદનથી માહોલ ગમગીન થઈ ગયો.

 

પોલીસના ઉચ્ચ અધિકારીઓ સહીત તમામ પોલીસકર્મીઓ હાજર રહ્યા

PSI અમિતા પતિ,પુત્ર અને સાસુ સાથે ફાલસાવાડી પોલીસ ક્વાર્ટરમાં રહેતા હતા. વર્ષ 2013માં પરીક્ષા પાસ કર્યા બાદ કોન્સ્ટેબલમાંથી PSI બન્યા હતા. મૂળ અમરેલીના વતની અમિતા જોશીનું દોઢ વર્ષ પહેલા સુરત કંટ્રોલમાં પોસ્ટિંગ થયું હતું ત્યાર બાદ ઉધના પોલીસ સ્ટેશનમાં પોસ્ટિંગ થયું હતું. તેઓના આપઘાત બાદ રવિવારે તેઓને ગાર્ડ ઓફ ઓનર આપવામાં આવ્યું હતું. જેમાં પોલીસના ઉચ્ચ અધિકારીઓ સહીત તમામ પોલીસકર્મીઓ હાજર રહ્યા હતા અને અશ્રભુની આંખે તેઓની અંતિમ યાત્રામાં જોડાયા હતા.

પોલીસ ઉચ્ચ અધિકારીઓએ સલામી આપી.
પોલીસ ઉચ્ચ અધિકારીઓએ સલામી આપી.

 

મેરેજ એનિવર્સરીએ આપઘાત

PSI અમિતા જોશીની ગતરોજ મેરેજ એનિવર્સરી હતી. મેરેજ એનિવર્સરીના દિવસે જ તેઓ નાઈટ ડ્યુટીમાંથી આવ્યા બાદ પતિ સાથે ટેલિફોનિક ઝઘડો થયો હતો. જે બાદ તેમણે આપઘાત કરી લીધો હોવાનું કહેવામાં આવી રહ્યું છે. હાલ પોલીસે વધુ તપાસ હાથ ધરી છે.

અંતિમયાત્રામાં પોલીસ અને પરિવારજનો જોડાયા હતા.
અંતિમયાત્રામાં પોલીસ અને પરિવારજનો જોડાયા હતા.

 

એકના એક દીકરાએ માતા ગૂમાવી

અમિતા જોશીએ આપઘાત કરી લેતા ચકચાર મચી ગઈ છે. મેરેજ એનિવર્સરીના દિવસે જ ડાયરીમાં સુસાઈડ નોટ લખીને આપઘાત કરી લેનારા મહિલા PSI અમિતા જોશી 2013 માં ડાયરેક્ટ બેચથી કોન્સ્ટેબલમાંથી પરીક્ષા આપીને PSI બન્યાં હતાં. અમિતા જોશીના પિતા પણ નિવૃત પોલીસ કર્મચારી છે. અમિતા જોશીના આપઘાતના પગલે પાંચ વર્ષનો સંતાને માતા ગૂમાવવાની ફરજ પડી છે.

LEAVE A REPLY

Please enter your comment!
Please enter your name here