સુરેન્દ્રનગર : એક પરિવારે પુત્રીની યાદમાં પાણી પરબ બાંધી

0
0

હળવદ તાલુકાના જૂના બુટવડા ગામના પરિવારે સદગત દીકરીની યાદમાં પાણીનું પરબ બાંધી છે. આજે આ પરબનેવ ખલ્લી મૂકવામાં આવી છે, જેથી અહીંથી પસાર થતા લોકોની પાણીની તરસ છીપશે.

હળવદ તાલુકાના જૂના બુટવાડા ગામે રહેતા લખમણભાઇ નંદેસરીયાની દીકરી સ્વ સંગીતાની યાદમાં પરિવારજનોએ લીલાપર- બુટવડા રોડ પર પાણીનું પરબ બાંધી આપ્યું છે અને આજે આ પરબને પરિવારજનો દ્વારા ખુલ્લુ મુકવામાં આવ્યું છે જેથી અહીં થી પસાર થતાં વટેમાર્ગુને પીવા માટે પાણી મળી રહેશે.

ઉલ્લેખનીય છે કે, સંગીતા ધોરણ પાંચમાં અભ્યાસ કરતી હતી અને સ્કૂલેથી ઘરે પરત આવ્યા બાદ નદીએ પાણી ભરવા જતાં નદીના પાણીમાં તણાઈ ગઈ હતી. જોકે, ભારે શોધખોળ બાદ જે તે સમયે તેનો મૃતદેહ મળી આવ્યો હતો. જેથી પરિવારજનોની ઈચ્છા હતી કે ગામને પાદર વટેમાર્ગુઓ માટે પાણીનું પરબ બાંધવામાં આવે. જોકે, હજુ પરિવારજનો દ્વારા બાપા દીકરીની યાદમાં બાપા સીતારામની મઢૂલી બનાવવાનું પણ નક્કી કર્યું છે.

LEAVE A REPLY

Please enter your comment!
Please enter your name here