ગૂગલ I/O 2020 : 12 મેથી કંપનીની એન્યુઅલ ડેવલપર્સ કોન્ફરન્સ શરૂ થશે, એન્ડ્રોઇડ 11 અને નવો પિક્સલ સ્માર્ટફોન લોન્ચ થઈ શકે છે

0
18

ગેજેટ ડેસ્કઃ ટેક જાયન્ટ ગૂગલે તેની એન્યુઅલ ડેવલપર્સ કોન્ફરન્સની તારીખ જાહેર કરી છે. કંપીના CEO સુંદર પિચાઈએ ટ્વીટ કરીને માહિતી આપી છે. આ કોન્ફરન્સ 12 મેથી 14મે સુધી અમેરિકાના કેલિફોર્નિયા સ્થિત શોરલાઈન એમ્ફિથિએટરમાં યોજાનાર છે.

કેટલાક મીડિયા રિપોર્ટ્સ અનુસાર,આ કોન્ફરન્સમાં કંપની નવી ઓપરેટિંગ સિસ્ટમ એન્ડ્રોઇડ 11 લોન્ચ કરી શકે છે. તાજેતરમાં તેને ‘એન્ડ્રોઇડ R’ કોડનેમ આપવામાં આવ્યું છે. આ સાથે જ પિક્સલ 3aનાં અપગ્રેડેડ વર્ઝન પિક્સલ 4a સ્માર્ટફોન લોન્ચ કરવામાં આવી શકે છે. ફોનની લીક થયેલી તસવીરો મુજબ, ફોનમાં પંચ હોલ ડિસ્પ્લે અને 1 રિઅર કેમેરા મળી શકે છે.

ગૂગલની અપકમિંગ કોન્ફરન્સ I/O 2020 માં કંપની નેસ્ટ કનેક્ટેડ નવાં ડિવાઇસ વિશે પણ જાહેરાત કરી શકે છે. આ ઇવેન્ટમાં ગૂગલ ક્રોમ, ગૂગલ મેપ્સ, ગૂગલ સર્ચ અને યૂ-ટ્યુબની અપડેટ્સ વિશે પણ જાહેરાત કરી શકે છે. ગત વર્ષે યોજાનાર ઇવેન્ટમાં ગૂગલે ફોલ્ડેબલ ફોન રજૂ કર્યો હતો. આ વર્ષની કોન્ફરન્સમાં તેને લોન્ચ કરવામાં આવી શકે છે.