કમુરતા ઉતરી રહ્યા છે: સોનું ખરીદવું હોય તો ખરીદી લેજો, ભાવમાં જબરજસ્ત ઘટાડો

0
48

ઇરાનની સાથે એક અઠવાડિયાથી ચાલી રહેલા તણાવ વચ્ચે અમેરિકાના નરમ વલણને કારણે વિદેશની સાથે સ્થાનિક બજારમાં પણ સોનાના ભાવમાં જબરજસ્ત ઘટાડો જોવા મળ્યો છે. આજે 10 ગ્રામ સોનાનો ભાવમાં 1160 રૂપિયાનો ઘટાડો નોંધાતા સોનાના નવા ભાવ 41,170 થયાં હતા. આ સાથે જ ચાંદીના ભાવમાં પણ 1,735 રૂપિયાનો ઘટાડો થતાં 47,825 રૂપિયા કિલોગ્રામ થયાં હતા.

  • સોના-ચાંદીના ભાવમાં ઘટાડો
  • અમેરિકા અને ઈરાન વચ્ચેનો તણાવ ઘટવાથી ભાવ ઘટ્યા
  • ગઇકાલે પણ ઘટ્યા હતા ભાવ

બુધવારે ઇરાકમાં યુ.એસ. સૈન્ય મથકો ઉપર ઇરાનની મિસાઇલ હુમલા બાદ પશ્ચિમ એશિયામાં તણાવ વધ્યો હતો. આને કારણે ગઈકાલે બંને કિંમતી ધાતુઓએ જોરદાર વેગ મેળવ્યો હતો. પરંતુ વોશિંગ્ટનમાં સ્થાનિક સમય સવારે 11.30 વાગ્યે યુએસ પ્રમુખ ડોનાલ્ડ ટ્રમ્પની પ્રેસ કોન્ફરન્સ બાદ તણાવ નોંધપાત્ર રીતે હળવો થયો. ટ્રમ્પે નરમ વલણ અપનાવીને શાંતિ માટે હાકલ કરી હતી. તેમણે ઈરાન પરની કોઈ વ્યૂહાત્મક કાર્યવાહીનો ઉલ્લેખ કર્યા વગર માત્ર આર્થિક પ્રતિબંધો અંગે પોતાનો પ્રતિસાદ મર્યાદિત કર્યો.

ટ્રમ્પની પ્રેસ કોન્ફરન્સ બાદ ઘટાડો

ટ્રમ્પની પ્રેસ કોન્ફરન્સ બાદ પીળા ધાતુનો વિદેશોમાં ઉપર જતો ગ્રાફ અચાનક નીચે ઉતરવા લાગ્યો હતો. આજે તેમાં વધુ ઘટાડો નોંધાયો હતો. સોનું હાજર 11.60 ડોલર ઘટીને 1,545.80 ડોલર પ્રતિ ઔંસ પર હતું. ફેબ્રુઆરીમાં સોનાનો વાયદો પણ 12.30 ડોલર ઘટીને 1,547.90 ડોલર પ્રતિ ઔંસ પર રહ્યો હતો. ચાંદીનું સ્થાન 0.18 ઘટીને 17.91 ડોલર પર પહોંચી ગયું છે.

સોનાના બિસ્કિટમાં પણ ભાવ તૂટ્યા

સ્થાનિક બજારમાં સોનાનું ધોરણ 1,160 રૂપિયા ઘટીને 41,170 રૂપિયા પ્રતિ દસ ગ્રામ પર આવી પહોંચ્યા છે. સોનાના બિસ્કીટમાં પણ ઘટાડો થયો છે અને દસ ગ્રામ દીઠ ભાવ 41,000 રૂપિયા થયાં છે. ચાંદીના ભાવમાં 1,735 નો ઘટાડાને ધ્યાને લેતા 47,825 રૂપિયા પ્રતિ કિલોગ્રામ થયો હતો.

ગઇકાલે સોના-ચાંદીના ભાવમાં થયો ઘટાડો

આંતરરાષ્ટ્રીય સ્તરે ઘટતા ભાવને લીધે સ્થાનિક બજારમાં 9 જાન્યુઆરી 2020એ સોના-ચાંદીના ભાવમાં આ વર્ષનો સૌથી મોટો ઘટાડો જોવા મળ્યો છે. ગુરુવારે દિલ્હી બુલિયન માર્કેટમાં 10 ગ્રામ સોનાનો ભાવ ઘટીને 766 રૂપિયા થયો છે. જ્યારે ચાંદીનો ભાવ ઘટીને 1148 રૂપિયા પ્રતિ કિલો થઈ ગયો છે. તમને જણાવી દઈએ કે, અમેરિકા અને ઈરાન વચ્ચેના તણાવમાં ઘટાડો થવાને કારણે આંતરરાષ્ટ્રીય બજારમાં સોનાની કિંમતમાં ઘટાડો થયો છે.

LEAVE A REPLY

Please enter your comment!
Please enter your name here