Friday, August 6, 2021
Homeદુબઈની એજન્સી અને ધોની વચ્ચે ડીલ અંતિમ તબક્કામાં : ઝારખંડ સરકાર મદદ...
Array

દુબઈની એજન્સી અને ધોની વચ્ચે ડીલ અંતિમ તબક્કામાં : ઝારખંડ સરકાર મદદ કરશે.

ઈન્ડિયન ક્રિકેટ ટીમના ભૂતપુર્વ કેપ્ટન મહેન્દ્ર સિંહ ધોનીના ખેતરોની શાકભાજી હવે દુબઈમાં વેચાશે. ટૂંક સમયમાં તેના ફાર્મ હાઉસમાં ઉત્પાદન થતી શાકભાજીને વિદેશમાં મોકલવાની પ્રક્રિયા શરૂ થશે. આ માટે ઝારખંડ સરકારનું માર્કેટીંગ બોર્ડ ધોનીની મદદ કરી રહ્યું છે.

બજાર સમિતિ રાંચીના એક અધિકારીએ નામ નહીં આપવાની શરતે જણાવ્યું હતું કે ઓલ સિઝન ફાર્મ ફ્રેશ એજન્સી તથા ધોની વચ્ચેની આ ડીલ લગભગ અંતિમ તબક્કામાં છે. અત્રે ઉલ્લેખનીય છે કે ધોની સહ પરીવાર અત્યારે દુબઈમાં રજા માણી રહ્યો છે. આ સમય ગાળામાં તેમની વચ્ચે આ વાતચીત થઈ છે. ઓલ સિઝન ફાર્મ ફ્રેશ મારફતે કૃષિ વિભાગ ખાડી દેશોમાં ઝારખંડમાં શાકભાજી મોકલે છે.

ધોનીના નામથી ઝારખંડના ખેડૂતોને મળશે લાભ

બજાર સમિતિ રાંચીના અધિકારીએ કહ્યું કે સરકાર હવે નવા પ્રોજેક્ટ પર કામ કરી રહી છે. ધોની એક બ્રાંડ છે અને જ્યારે તેમના શાકભાજી સાથે ઝારખંડનું નામ જોડાશે તો અહીના ખેડૂતોને ભરપુર લાભ મળશે. તેમણે એમ પણ કહ્યું કે કેટલીક એજન્સી અહીં આવવા ઈચ્છતી ન હતી તે પણ અહીં આવશે અને અહીના શાકભાજીને અન્ય દેશોમાં મોકલવાનું કામ કરશે.

ધોનીના ફાર્મ હાઉસમાં અનેક પ્રકારના શાકભાજીનું ઉત્પાદન

રિંગ રોડના સેબોં ગામના 43 એકરના ધોનીનું ફાર્મ હાઉસ આશરે 10 એકરમાં સ્ટ્રોબેરી, કોબી, ટામેટા, કાંકડી, વટાણા, પપૈયા સહિત અનેક કૃષિ પેદાશોનું ઉત્પાદન થઈ રહ્યું છે. ધોનીના ફાર્મ હાઉસમાં ઉત્પાદીત કોબી, ટામેટા, વટાણાની રાંચીના બજારોમાં ભારે માંગ છે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments