બિહાર વિધાનસભા ચૂંટણી : NDAમાં પણ સીટોનો ફોર્મ્યુલા નક્કી થઈ ગયો : LJP બહાર, અડધી-અડધી બેઠકો પર ચૂંટણી લડશે ભાજપ-JDU

0
0

બિહારમાં ઓક્ટોબર-નવેમ્બરમાં ત્રણ તબક્કામાં વિધાનસભા ચૂંટણી છે. મહાગઠબંધને શુક્રવારે સહયોગી પાર્ટીઓ વચ્ચે બેઠકોની વહેંચણી અંગે અંતિમ મહોર લગાવી તો NDAમાં પણ ઉતાવળમાં બેઠકોને વહેંચણી નક્કી થઈ ગઈ. સૂત્રોના જણાવ્યા પ્રમાણે JDU અને ભાજપ અડધી અડધી બેઠકો પર ચૂંટણી લડશે. વિધાનસભાની 243 બેઠકમાં JDU અને ભાજપ 119-119 બેઠકો પર પોતાના ઉમેદવારને ઉતારશે. બાકીની 5 સીટોને જીતનરામ માંઝીની હમ માટે છોડવામાં આવી છે. શનિવારે મોડી રાતે ચાલેલી બેઠકમાં ભાજપ અને JDUએ આ ફોર્મ્યુલા પર પોતાની સહમતિ બનાવી છે. LJPને આમાથી બહાર રાખવામાં આવી છે.

NDAની આ બેઠકની વહેંચણમાં સતત ભાજપ અડગ રહી, જેનો ફાયદો એ થયો કે ભાજપને પણ એટલી જ બેઠકો પર ચૂંટણી લડવાની છે, જેટલી બેઠકો પર JDU લડશે. વાત એ આવી રહી હતી કે, JDU ભાજપ પાસે લગભગ વધુ 15થી 20 બેઠકો પર ચૂંટણી લડાવવા માંગતી હતી, પણ ભાજપ નેતા સીટોને વહેંચણી બરાબર સરખે ભાગે કરવા માટે જિદે ચઢ્યા હતા.આ જ કારણે મુદ્દો લાંબો ખેંચાયો. છેલ્લે આ ફોર્મ્યુલા સેટ થયો. મેરાથોન મીટિંગ પછી ભાજપ નેતા દેવેન્દ્ર ફડણવીસ અને ભૂપેન્દ્ર યાદવ દિલ્હી માટે રવાના થઈ ગયા હતા.

JDU અને ભાજપ નેતાઓ વચ્ચે 5 કલાક મીટિંગ, ત્યારે સહમતિ થઈ
શનિવારે પટનાના રૂપસપુરના એક અપાર્ટમેન્ટમાં JDU અને ભાજપના નેતાઓ વચ્ચે લગભગ 5 કલાક સુધી મીટિંગ ચાલી હતી. આ બેઠકમાં ભાજપ તરફથી દેવેન્દ્ર ફડણવીસ, ભૂપેન્દ્ર યાદવ અને સંજય જાયસવાલ હતા. સાથે જ JDU તરફથી લલન સિંહ, RCP સિંહ અને વિજેન્દ્ર યાદવ હતા. બન્ને બાજુથી એક એક સીટ પર ચર્ચા થઈ, ત્યારપછી અડધી અડધી બેઠકો પર બન્ને દળોમાં સહમતિ થઈ ગઈ હતી.

ભાજપે અડધી અડધી બેઠકો પર ચૂંટણી લડવાનો પ્રસ્તાવ મૂક્યો
આ વહેંચણીમાં LJPને એકદમ આગળ રાખવામાં આવી છે. LJPના રાષ્ટ્રીય અધ્યક્ષ ચિરાગ પાસવાનના અલગ વલણને કારમે JDU લોજપા અંગે સહમત ન હતી. વાત ત્યાં પણ અટકી હતી કે આવામાં ભાજપે પતાની અડધી અડધી બેઠકોનો ફોર્મ્યુલા સેટ કર્યો અને JDUની સામે એ પ્રસ્તાવ રાખવામાં આવ્યો કે લોકસભાની જેમ વિધાનસભા બેઠકો પર ચૂંટણી લડવામાં આવે. જેને અંતમાં JDUએ સ્વીકાર્યું અને પછી એક એક બેઠક પર ચર્ચા કરવા અંગે સહમતિ આપી દીધી.

લોકસભા ચૂંટણીમાં NDAમાં સીટ શેરિંગનો ફોર્મ્યુલા આવો હતો
બિહારની કુલ 40 લોકસભા સીટોમાંથી ભાજપ અને JDU 17-17 બેઠકો પર ચૂંટણી લડી હતી. 6 સીટો LJPને મળી હતી.

બિહારમાં ત્રણ તબક્કામાં ચૂંટણી
બિહારમાં ત્રણ તબક્કામાં વિધાનસભા ચૂંટણી થઈ રહી છે. પહેલા તબક્કાનું વોટિંગ 28 ઓક્ટોબરે બીજા તબક્કામાં 3 નવેમ્બર અને ત્રીજા તબક્કામાં 7 નવેમ્બરે વોટિંગ થશે. પરિણામ 10 નવેમ્બરે આવશે. ચૂંટણીની આખી પ્રક્રિયા 12 નવેમ્બર સુધી પુરી કરી લેવાશે. દિવાળી અને છઠ વચ્ચે સરકારની રચના પણ થઈ જશે.

LEAVE A REPLY

Please enter your comment!
Please enter your name here