Wednesday, September 28, 2022
Homeગુજરાતમહેસાણાના માલધારીઓએ અનોખો વિરોધ કર્યો

મહેસાણાના માલધારીઓએ અનોખો વિરોધ કર્યો

- Advertisement -

આજે સમગ્ર રાજ્યમાં માલધારી સમાજે દૂધ હડતાળ કરી છે. જેને પગલે આજે દૂધની અછત જોવા મળી હતી. રાજકોટ, સુરત સહિતના શહેરમોમાં હજારો લીટર દૂધને જાહેરમાં ઢોળી વિરોધ કરવામાં આવ્યો છે. ત્યારે મહેસાણાના માલધારીઓએ અનોખો વિરોધ નોંધાવ્યો છે. મહેસાણાના માલધારીઓ આજે દૂધ એકત્રિત કરીને એ દૂધને ધોળવાને બદલે તેની ખીર બનાવવા મોકલી આપ્યું છે. જરૂરીયાતમંદ લોકો,હોસ્પિટલમાં અને શાળાના વિદ્યાર્થીઓને ખીર બનાવી વિતરણ કરવામાં આવશે.

આજે માલધારીઓએ એક દિવસ ડેરીમાં દૂધ નહી ભરાવી સરકાર સામે વિરોધ નોંધવ્યો છે ત્યારે કેટલીક જગ્યાએ માલધારીઓ દૂધની ગાડીઓ અટકાવી તેમજ દૂધ જાહેરમાં ઢોળી વિરોધ કરી રહ્યા છે ત્યારે મહેસાણાના માલધારીઓ 1100 લીટર દૂધ ભેગુ કરી એ દૂધની ખીર બનાવી બાળકો અને દર્દીઓને વિતરણ કરવા સવાર-સાંજ મોકલી આપશે.

માલધારી સમાજના હિતેશ રાયકાએ જણાવ્યું કે, ગુજરાત માલધારી મહા પંચાયત સમિતિ દ્વારા સમગ્ર ગુજરાતમાં આજે એક દિવસના અણુજા પાડવામાં આવ્યા છે. એટલે કે સમગ્ર ગુજરાતના માલધારીઓ એક દિવસ ગ્રામ્ય અને શહેરી વિસ્તારોમાં દૂધ નહી ભરાવે કે વેચશે પણ નહીં. અમારા દૂધ બંધના એલાનમાં અર્બુદા સેના, ચૌધરી સમાજ અને ક્ષત્રિય સમાજે સમર્થન આપ્યું છે. એ લોકો પણ આજે એક દિવસનું દૂધ નહી ભરાવે. વધુમાં જણાવ્યું કે, દૂધ અમે રસ્તા પર નથી ઢોળી શકતા જેથી આજે મહેસાણામાં માલધારીઓ દ્વારા 1100 લીટર દૂધ એકત્રિત કરી. આ દૂધ અમે ખીર બનાવવા મોકલી આપ્યું છે. એ ખીરને વિદ્યાર્થીઓ અને હોસ્પિટલના દર્દીઓ તેમજ જરૂરિયાત મંદ લોકોને વિતરણ કરીશું.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular