મોંઘવારી અને નબળા મેક્રો ડેટા પાછળ શેરબજારમાં ગાબડું

0
9

મુંબઈ

અર્થતંત્રમાં જોવા મળેલી નરમાઈ વચ્ચે મોંઘવારીમાં વધારો તેમજ મેક્રો આર્થિક ડેટા નબળા જાહેર થતા શેરબજારમાં ગુરુવારે ખૂલતામાં ગાબડું પડ્યું છે. બીએસઈ બેન્ચમાર્ક સેન્સેક્સ 130 પોઈન્ટ નીચે અને એનઅસઈ નિફ્ટી 45 પોઈન્ટ ઘટીને ટ્રેડ થઈ રહ્યો છે. સેન્સેક્સ અગાઉના બંધ 41,565.90 સામે 41,514ની સપાટીએ ખૂલીને 41,430 પર ટ્રેડ થઈ રહ્યો છે. નાણાકીય અને ઓટો ક્ષેત્રના શેરોમાં નોંધપાત્ર વેચવાલીને પગલે પ્રારંભિક નરમાઈ જોવા મળી રહી છે.

નિષ્માતોના મતે સરકારે બુધવારે જાહેર કરેલા ડિસેમ્બરના ઔદ્યોગિક ઉત્પાદનના ડેટામાં 0.3 ટકાનો ઘટાડો નોંધાતા તેમજ જાન્યુઆરી માસનો રિટેલ ફુગાવાનો દર 7.59 ટકાની 68 મહિનાની ટોચે રહેતા શેરબજારમાં વેચવાલીનું દબાણ રહ્યું હતું. મેક્રો આર્થિક ડેટા પાછળ ઈન્ડેક્સ બેઝ્ડ વેચવાલી પણ રહી હતી. આઈઆઈપી ડેટાની જાહેરાત અગાઉ સાવચેતી જોવા મળી રહી છે. વિદેશી ફંડોની લેવાલી પણ સુસ્ત જણાઈ રહી છે.

ફોરેક્સ બજારમા ભારતીય રૂપિયો ડોલર સામે નવ પૈસા ઘટીને 71.42ની સપાટીએ ખૂલ્યો હતો. એશિયન બજારોમાં કોરોના વાયરસનો ફફડાટ ફેલાયેલો હોવાથી મિશ્ર કામકાજ જોવા મળ્યા છે. વૈશ્વિક સ્તરે રોકાણકારોનું સેન્ટિમેન્ટ ડામાડોળ થયેલું જણાય છે. ચીનમાં કોરોના વાયરસથી કુલ મૃત્યુનો આંક 1,300ને પાર કરી ગયો છે.