Wednesday, October 20, 2021
Homeસંખેડા : શાળામાં શિક્ષકોએ દારૂની મહેફિલ જમાવી, ગ્રામજનોએ પાડી રેડ
Array

સંખેડા : શાળામાં શિક્ષકોએ દારૂની મહેફિલ જમાવી, ગ્રામજનોએ પાડી રેડ

છોટાઉદેપુર જિલ્લાના સંખેડા તાલુકાના ગુંડેર પ્રાથમિક શાળામાં શિક્ષણ જગતમાં કલંક રૂપ કિસ્સો સામે આવ્યો છે. સ્કૂલમાં શિક્ષકો દારૂની મહેફિલ માણતા ગામના લોકોએ ઝડપી પાડ્યા. ત્યારે નશામાં ધૂત બનેલા શિક્ષકને ગ્રામજનોએ વીડિયો ઉતારી સોશિયલ મીડિયામાં વાયરલ કર્યો હતો.

આપણા સમાજમાં ગુરૂને તો માતા-પિતા કરતા પણ ઊંચ્ચો દરજ્જો આપવામાં આવ્યો છે. પરંતુ કેટલીક વખત શિક્ષકો દ્વારા એવું વર્તન કરવામાં આવે છે, જેના કારણે પુરા શિક્ષણ તંત્રને શરમમાં મુકાવું પડે છે. આવી જ એક ઘટના છોટાઉદેપુર જિલ્લાથી સામે આવી છે. જેમાં શિક્ષકો શિક્ષણના ધામમાં દારૂની મહેફિલ કરે છે, અને નશામાં ધૂત થઈ શાળામાં જ સુઈ જાય છે. આ સમગ્ર ઘટનાનો વીડિયો વાયરલ થયો છે.

વીડિયોમાં જોઇ શકાય છે કે નશામાં ટલ્લી શિક્ષકોની કરતૂત.. આ બંને શિક્ષકોએ પુષ્કળ પ્રમાણમાં દારૂનું સેવન કરતા તેઓ હોંશ હવાસ ખોઈ બેઠા હતા. એક શિક્ષક તો કલાસ રૂમમાં જ સુઈ ગયો હતો. તો બજી તરફ ચારેતરફ દારૂની બોટલો જોવા મળી રહી છે. બંને શિક્ષકો નશામાં ધૂત છે, અને ચાલવામાં પણ તકલીફ પડી રહી છે. આ વીડિયોમાં એક શિક્ષક લથડીયા ખાતો સ્કૂલની બહાર જતો જોવા મળી રહ્યો છે, બીજો પોતે બીમાર હોવાનું રટણ કરતો હોવાનું વિડીયોમાં સંભળાઇ રહ્યુ છે.

હાલ કોરોનાને કારણે શાળાઓ બંધ પડી છે, ત્યારે રાત્રિના અંધકારનો લાભ લઇને પ્રાથમિક શાળામાં જ દારૂની પાર્ટી કરતા શિક્ષક અજીત પટેલ અને વિનેશ માછીને ગામલોકોએ પકડી લીધા. એટલું જ નહીં ગામ લોકોએ તેમનો વીડિયો પણ ઉતાર્યો. આ વીડિયો સામે આવ્યા બાદ તંત્ર તરફથી તાત્કાલીક કાર્યવાહી કરીને બંને શિક્ષકને સસ્પેન્ડ કરી દેવાયા છે.

શાળા કે જ્યાં બાળકોમાં શિક્ષણ સાથે સારા સંસ્કારનું ઘડતર કરવામાં આવે છે ત્યાં વિદેશી શરાબની બોટલો અને નશામાં ધૂત આરામ ફરમાવતા શિક્ષકો જોવા મળ્યા હતા. સમગ્ર બાબતની જાણ જિલ્લા વિકાસ અધિકારીને થતાં તાત્કાલિક તપાસ આદરી પ્રાથમિક શિક્ષણ વિભાગે બંને શિક્ષકોને સસ્પેન્ડ કર્ય છે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments