પુષ્ય યોગમાં નવા વર્ષની શરૂઆત થશે : જાન્યુઆરી 2021માં 2 વાર આ શુભ સંયોગ બનશે

0
14

નવા વર્ષનો પહેલો દિવસ શુભ રહેશે. આ દિવસ શુક્રવાર હોવાની સાથે જ પુષ્ય નક્ષત્રનો સંયોગ બની રહ્યો છે. આ યોગ 31 ડિસેમ્બર 2020ના રોજ સાંજે 7.50 વાગ્યાથી શરૂ થશે અને 1 જાન્યુઆરીએ સાંજે પૂર્ણ થશે. ગુરુ અને શુક્રવારે પુષ્ય નક્ષત્રનો સંયોગ ખરીદદારી-વહેંચાણ માટે શુભ રહેશે. સાથે જ, સૂર્ય-બુધ ગ્રહની યુતિથી બની રહેલો બુધાદિત્ય યોગ આ દિવસને વધારે ખાસ બનાવી રહ્યો છે. પુષ્ય અને બુધાદિત્ય બંને યોગ દરમિયાન કરવામાં આવતાં કાર્યોમાં સફળતા મળશે. નવા વર્ષના પહેલાં જ દિવસે પુષ્ય યોગમાં ઘરેણાં, પ્રોપર્ટી, વાહન અને નવા કપડાની ખરીદદારી કરવું પણ શુભ રહેશે. શુક્રવારના સ્વામી શુક્રદેવ છે. તે સુખ-સમૃદ્ધિ આપનાર દેવતા છે. એટલે વર્ષનો પહેલો દિવસ શુભ રહેશે. ત્યાં જ થોડાં દિવસ પહેલાં 15 ડિસેમ્બરના રોજ સૂર્યના ધન રાશિમાં આવી જવાથી બીમારીઓ અને વેપારમાં મંદી દૂર થવાના યોગ બની રહ્યા છે. જેની શુભ અસર નવા વર્ષમાં જોવા મળશે.

જાન્યુઆરી 2021માં બે વખત પુષ્ય નક્ષત્રનો સંયોગ.

જાન્યુઆરી 2021ના પહેલાં જ દિવસે એટલે 1 તારીખ શુક્રવારે પુષ્ય નક્ષત્ર હોવાથી શુક્ર-પુષ્યનો સંયોગ બની રહ્યો છે. આ દિવસે સુખ-સુવિધાઓ અને વિલાસિતા સાથે જોડાયેલી વસ્તુઓની ખરીદદારી શુભ માનવામાં આવે છે. આ દિવસે કપડાં, ઘરેણાં અને સુગંધિત વસ્તુઓની ખરીદદારી ખાસ કરવી જોઇએ. ત્યાં જ, આ મહિને 28 તારીખના રોજ ગુરુવાર હોવાથી વર્ષનો પહેલો ગુરુ પુષ્ય સંયોગ બની રહ્યો છે. આ દિવસે દરેક પ્રકારની ખરીદદારી કરવી શુભ છે.

ગુરુ પુષ્ય સંયોગમાં કરવામાં આવતાં કાર્યોમાં સફળતા મળે છે. આ દિવસે કોઇપણ શુભ કામ શરૂ કરી શકાય છે. ગુરુ પુષ્ય યોગમાં કોઇપણ બિઝનેસ ડીલ કરવી ફાયદાકારક રહે છે. જ્યોતિષશાસ્ત્રમાં કહેવામાં આવ્યું છે કે, આ યોગમાં શનિ અને ગુરુ બંનેનો શુભ પ્રભાવ હોય છે એટલે લાંબા સમય સુધી ફાયદો આપનાર કામ આ યોગમાં શરૂ કરવું જોઇએ. પ્રોપર્ટીને લગતાં કાર્યો અને રૂપિયાના રોકાણ માટે પણ આ યોગ ખૂબ જ શુભ માનવામાં આવે છે.

અભિજીત મુહૂર્તમાં કામ કરી શકાય છે.

જ્યોતિષાચાર્ય પં. મિશ્રના જણાવ્યાં પ્રમાણે વર્ષના પહેલાં દિવસે પુષ્ય નક્ષત્રના યોગમાં ખરમાસ હોવા છતાં અભિજિત મુહૂર્તમાં ખાસ કામ અને ખરીદદારી કરી શકાય છે. આ દિવસે ખરીદદારી કરવી શુભ અને સમૃદ્ધિ આપનાર રહેશે. પુષ્ય અને અભિજીત મુહૂર્ત બંનેના સંયોગમાં કરવામાં આવતી ખરીદદારી અને અન્ય શુભ કાર્ય પોઝિટિવ પરિણામ આપનાર રહેશે.

ખરમાસમાં ખરીદદારી ઉપર પ્રતિબંધ રહેશે નહીં, સૂર્ય ઉપાસનાથી લાભ થશે.

પં. મિશ્રના જણાવ્યાં પ્રમાણે 16 ડિસેમ્બરથી ખરમાસ શરૂ થઇ ગયો. એટલે સૂર્યદેવ ધન રાશિમાં આવી ગયો છે. જેથી લગ્ન અને અન્ય માંગલિક કાર્યો 14 જાન્યુઆરી સુધી કરી શકાશે નહીં. પરંતુ, ખરમાસમાં જમીન, મકાન કે વાહન ખરીદદારી કરી શકાય છે.

શાસ્ત્રોમાં મળમાસ દરમિયાન ખરીદદારી વર્જિત નથી. સાથે જ કોઇપણ સામાન/વાહન ખરીદી શકાય છે. આ દિવસો માં કપડાં, ઘરેણાં, મકાન, પ્લોટ કે રિયલ ઇસ્ટેટ સાથે જોડાયેલી ખરીદદારી પણ કરી શકાય છે. સાથે જ, આ દરમિયાન સૂર્ય ઉપાસના કરવું વિશેષ ફળદાયી માનવામાં આવે છે.

LEAVE A REPLY

Please enter your comment!
Please enter your name here