અમિતાભ બચ્ચને ‘કૌન બનેગા કરોડપતિ’ શોના શૂટિંગની શરૂઆત કરી દીધી છે. તેઓ સતત સેટ પરથી ફોટા શેર કરી રહ્યાં છે. હવે અભિનેતાએ એક ફોટો શેર કર્યો અને કહ્યું કે કેવી રીતે સેટ પર કાળજી રાખવામાં આવી રહી છે.
ફોટો શેર કરતી વખતે અમિતાભે લખ્યું – સુરક્ષિત રહો. પ્રિકોશન્સમાં રહો. કામ જેવું જોઈએ તેમ ચાલુ છે. ફોટામાં અમિતાભ કમ્પ્યુટરની સામે ખુરશી પર બેઠા જોવા મળે છે. તે જ સમયે, મેકઅપમેન પીપીઈ કિટ્સ પહેરીને તેમને ટચઅપ્સ આપી રહ્યા છે. આ દરમિયાન સંપૂર્ણ સુરક્ષા ધ્યાનમાં રાખવામાં આવી હતી. માસ્ક, ફેસ શિલ્ડ અને ગ્લોવ્સ સહીત દરેક બાબતનું ધ્યાન રાખવામાં આવે છે.
આ પહેલા અમિતાભ બચ્ચને સેટ પરના શૂટિંગ દરમિયાન કેટલાક ફોટા શેર કર્યા હતા. અભિનેતાએ તસવીરો સાથે કેપ્શનમાં લખ્યું હતું- 20 વર્ષ, 12મી સીઝન, કેબીસી કૌન બનેગા કરોડપતિ, પ્રારંભ ! આ સિવાય સોની ટીવીએ પણ તેના ઓફિશિયલ ટ્વિટર એકાઉન્ટ પર આ સારા સમાચારની જાહેરાત કરી હતી.
T 3564 – be safe .. be in precaution .. at work and in caution .. pic.twitter.com/KkfBXnxdfA
— Amitabh Bachchan (@SrBachchan) September 9, 2020
અમિતાભે અનુભવ શેર કર્યો
અમિતાભ બચ્ચને તેના પહેલા બ્લોગમાં શોના શૂટિંગથી સંબંધિત અનુભવ શેર કર્યો છે. તેણે કહ્યું કે પહેલીવાર તેણે આટલા ઓછા લોકો સાથે કેબીસીને શૂટ કર્યું. પીપીઇ કીટનો ઉપયોગ કરવામાં આવી રહ્યો છે.