Saturday, September 24, 2022
Homeદૂધસાગર ડેરીના ચેરમેનની ચૂંટણી વિપુલ ચોધરી જેલમાં બેઠા લડશે, હાઈકોર્ટે જામીન અરજી...
Array

દૂધસાગર ડેરીના ચેરમેનની ચૂંટણી વિપુલ ચોધરી જેલમાં બેઠા લડશે, હાઈકોર્ટે જામીન અરજી ફગાવી

- Advertisement -

મહેસાણા દૂધસાગર ડેરીના પૂર્વ ચેરમેન વિપુલ ચૌધરીના જામીન ગુજરાત હાઈકોર્ટે ફગાવી દીધાં છે. આગામી 5 જાન્યુઆરીએ યોજાનારી દૂધસાગર ડેરીની ચૂંટણીના પ્રચાર-પ્રસાર માટે વચગાળા જામીન આપવાની માંગ ગુજરાત હાઈકોર્ટ દ્વારા ફગાવી દેવામાં આવી છે. વિપુલ ચૌધરી દ્વારા કરાયેલી રેગ્યુલર જામીન અરજીની સુનાવણીમાં તેમના વકીલે 5મી જાન્યુઆરીએ ચૂંટણી હોવાથી ત્યાં સુધીના વચગાળા જામીન આપવામાં આવે તેવી માંગ કરી હતી. જોકે કોર્ટ દ્વારા આ માંગને ફગાવી દેવામાં આવી છે. આ સિવાય રેગ્યુલર જામીન અરજી મુદ્દે સરકારને નોટિસ પાઠવીને ખુલાસો માંગ્યો છે.

ચૂંટણીમાંથી ડિસ્ક્વોલિફિકેશન થયું ના હોવાથી જામીન આપવામાં આવે

વિપુલ ચૌધરી તરફે હાઈકોર્ટમાં રજૂઆત કરવામાં આવી હતી કે, તેમનું ચૂંટણીમાંથી ડિસ્ક્વોલિફિકેશન થયું નથી. જેથી તેમને વચગાળા જામીન આપવામાં આવે. જોકે સરકારી વકીલ તરફથી દલીલ કરવામાં આવી હતી કે CID ક્રાઈમની તપાસ મહત્વપૂર્ણ તબક્કા પર છે અને અરજદાર વિપુલ ચૌધરી પ્રભાવશાળી વ્યક્તિ હોવાથી તે ચૂંટણીને અસર પાડી શકે છે. હાઇકોર્ટે બંને પક્ષે દલીલ સાંભળ્યા બાદ વિપુલ ચૌધરીના જામીન ફગાવી દીધા છે.

વિપુલ ચોધરીને માન્ય ઉમેદવાર તરીકે ગણી રાત્રે હરીફ ઉમેદવારોની યાદી જાહેર કરાઇ

દૂધસાગર ડેરીના નિયામક મંડળની ચૂંટણીમાં જોડિયા દૂધ મંડળીની હાઇકોર્ટમાં ગુરુવારે સુનાવણી હાથ ધરાતાં કોર્ટે મંડળીને હાલ પૂરતો ક વર્ગ ધ્યાનમાં નહીં લેવા હુકમ કર્યો છે. જ્યારે ઉમેદવાર વિપુલ ચોધરી સામે થયેલી વાંધા અરજીની મોડી સાંજે થયેલી સુનાવણી બાદ ચૂંટણી અધિકારીએ વિપુલ ચોધરીને માન્ય ઉમેદવાર તરીકે ગણી રાત્રે હરીફ ઉમેદવારોની યાદી જાહેર કરાઇ છે. દૂધસાગર ડેરીની 5મી જાન્યુઆરીએ યોજાનારી ચૂંટણીમાં ડેરીના પૂર્વ ચેરમેન વિપુલ ચોધરીએ જે મંડળીમાંથી ઉમેદવારી નોંધાવી છે તે જોડિયા દૂધ મંડળીને ક વર્ગમાં લઇ જવા મુદ્દે હાઇકોર્ટમાં રિટ દાખલ કરાઇ હતી. જેની ગુરુવારે સુનાવણી હાથ ધરાતાં કોર્ટે હાલ પૂરતો મંડળીનો ક વર્ગ ધ્યાને ન લઇ આગળની કાર્યવાહી કરવા જણાવ્યું છે. જ્યારે ઉમેદવારી વખતે વિપુલ ચોધરી સામે આવેલી વાંધા અરજી અંગે વિસનગર પ્રાંત કચેરીમાં હાથ ધરાયેલી સુનાવણીમાં બંને પક્ષોની દલીલો સાંભળ્યા બાદ રાત્રે વિપુલ ચોધરીને માન્ય ઉમેદવાર ગણી હરીફ ઉમેદવારોની યાદી જાહેર કરાઇ હતી.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular