viral video: અભિનંદનના માતા-પિતાને જોતા જ લોકો જગ્યા પર ઉભા થઈ ગયા, તાળીઓનો ગળગળાટ કર્યો

0
35

ચેન્નઈ એરપોર્ટ પર લોકો ત્યારે ઉત્સાહિત થયા કે જ્યારે ભારતીય વાયુ સેનાના વિંગ કમાન્ડર અભિનંદનનાં માતા-પિતા તેમના પુત્રને લેવા પહોચ્યાં હતા. વિંગ કમાન્ડરનાં માતાપિતા ચેન્નઈથી દિલ્હી વિમાનમાં જતા હતા ત્યારે જ લોકોએ તાળીઓ પાડીને અભિનંદન પાઠવ્યા હતા, એરક્રાફ્ટના તમામ મુસાફરો ઉભા થઈ ગયા હતા અને પ્રશંસા સાથે તેમનું સ્વાગત કર્યું હતું.

ઉલ્લેખનીય છે કે વિંગ કમાન્ડરને આજે પાકિસ્તાન છોડવાનું છે. અભિનંદન માટે વાયુ દળના પ્રતિનિધિમંડળ સાથે તેમના માતા-પિતા પણ તેમને રિસિવ કરવા માટે દિલ્હી એરપોર્ટથી અમૃતસર રવાના થઈ ગયા છે.

અભિનંદનના પપ્પા પણ છે માસ્ટર બ્લાસ્ટર

રાતોરાત 125 કરોડ ભારતીયોના હીરો બની જનારા ભારતીય વાયુસેનાના વિંગ કમાન્ડર અભિનંદનનો પરિવાર જ જાણે પાયલોટોનો પરિવાર છે.

અભિનંદનના પિતા નિવૃત્ત એર માર્શલ એસ વર્થમાન વાયુસેનાના ધુરંધર પાયલોટ પૈકીના એક મનાય છે.એસ,વર્થમાને 1973માં અભિનંદનના પિતા ભારતીય વાયુસેનામાં પાયલોટ તરીકે કેરિયર શરુ કરી હતી. તેઓ ચાલીસ પ્રકારના એરક્રાફ્ટ ઉડાવી જાણે છે. તેમની પાસે 4000 કલાકનો ઉડ્ડયનનો અનુભવ છે.

કારગિલ જંગ વખતે તેઓ ગ્વાલિયરમાં ચીફ ઓપરેશન ઓફિસર હતા.જ્યાં તેઓ મિરાજ 2000 એરક્રાફ્ટ ઓપરેટ કરતા હતા.જેણે કારગીલ યુધ્ધમાં વિજય અપાવવામાં મહત્વની ભૂમિકા ભજવી હતી.

એસ વર્થમાને કહ્યુ હતુ કે મારો પુત્ર દેશના સાચો સિપાહી છે અને આ મુશ્કેલ સ્થિતિમાં સાથ આપવા બદલ હું તમામ લોકોનો આભાર માનુ છું. અભિનંદનના પત્ની તન્વી મારવાહ પણ નિવૃત્ત હેલિકોપ્ટર પાયલોટ છે.

LEAVE A REPLY

Please enter your comment!
Please enter your name here