ભારત સામેની ટેસ્ટ સીરીઝ માટે વેસ્ટ ઇન્ડીઝે ટીમની જાહેરાત કરી દીધી છે. ટીમમાં કેપ્ટન જેસન હોલ્ડરની વાપસી થઈ છે. બે મેચની આ સીરીઝ માટે ક્રિકેટ વેસ્ટ ઇન્ડીઝની પસંદગી સમિતિએ કુલ ૧૩ સભ્યોને ટીમમાં પસંદ કર્યા છે. ભારત અને વેસ્ટ ઇન્ડીઝ તેમ છતાં, ત્રણ મેચની વનડે સીરીઝ રમી રહી છે.
ટેસ્ટ સીરીઝ માટે ઓફ-સ્પિનર રહકીમ કોર્નવોલને પ્રથમ વખત ટીમમાં સામેલ કરવામાં આવ્યા છે. ઇંગ્લેન્ડ સામે છેલ્લી ટેસ્ટ સીરીઝમાં મળેલી ૨-૧ ની ઐતિહાસિક જીતમાં યજમાન ટીમના ભાગ રહેલા ઝડપી બોલર અલ્જારી જોસફ અને જોમેલ વોરીકનને ઈજાના કારણે ટીમમાં સામેલ કરવામાં આવ્યા નથી. વેસ્ટ ઇન્ડીઝ એ ટીમના કેપ્ટન શામરાહ બ્રુક્સને ટીમમાં સામેલ કરવામાં આવ્યા છે. રહકીમ કોર્નવોલની જેમ બૃક્સે પણ અત્યાર સુધી યજમાન ટીમ માટે કોઈ આંતરરાષ્ટ્રીય મેચ રમી નથી.
ભારત સામેની ટેસ્ટ સીરીઝ માટે વેસ્ટ ઇન્ડીઝ ટીમ આ પ્રકાર છે : જેસન હોલ્ડર (કેપ્ટન), ક્રેગ બ્રેઈથવેઇટ, ડેરેન બ્રાવો, શમારાહ બ્રુક્સ, જોન કેમ્પબેલ, રોસ્ટન ચેઝ, રહકીમ કોર્નવોલ, શેન ડાઉરીચ, શેનન ગ્રેબીયલ, શિમરોન હેટમાયર, શાઈ હોપ, કીમો પોલ અને કેમાર રોચ
