Saturday, September 18, 2021
Homeવર્ક ફ્રોમ હોમ : લગ્ન મંડપમાં ધોતી અને સાફાથી સજ્જ દુલ્હો લેપટોપનો...
Array

વર્ક ફ્રોમ હોમ : લગ્ન મંડપમાં ધોતી અને સાફાથી સજ્જ દુલ્હો લેપટોપનો સાથ છોડી શકતો નથી

અત્યાર સુધી કોઈએ સ્વપ્ને પણ વિચાર્યું નહિ હોય કે વર્ક ફ્રોમ હોમ આખી દુનિયા જ બદલી નાખશે. કોરોના કાળમાં વર્ક ફ્રોમ હોમનું જબરદસ્ત ચલણ વધ્યું છે. ઘરેથી કામ કરવાને કારણે લોકો પોતાના કામ પ્રત્યે વધારે ડેડિકેશન દર્શાવી રહ્યા છે, પરંતુ શું કોઈ એટલું ડેડિકેટ હોઈ શકે કે લગ્ન મંડપમાં પણ કામ કરવા લેપટોપ લઈને બેસી જાય એ પણ પોતાના લગ્ન મંડપમાં. ઈન્ટરનેટ પર આવા જ દુલ્હે રાજાનો વીડિયો વાઈરલ થઈ રહ્યો છે.

વાઈરલ વીડિયોમાં જોઈ શકાય છે કે લગ્ન મંડપમાં ધોતી અને સાફાથી સજ્જ દુલ્હો લેપટોપનો સાથ છોડી શકતો નથી. દુલ્હનિયા નામના પેજે ઈન્સ્ટાગ્રામ પર આ વીડિયો શેર કર્યો છે. ગણતરીના કલાકોમાં આ વીડિયો વાયુવેગે વાઈરલ થઈ રહ્યો છે.

લગ્નની વિધિ શરૂ થવાની ગણતરીની મિનિટો જ બાકી હોવા છતાં દુલ્હે રાજા લેપટોપ મંતરી રહ્યા હોય છે. આ જોઈને દૂર બેસેલી દુલ્હન પણ પોતાનું હાસ્ય છૂપાવી શકતી નથી.

આ વીડિયો વાઈરલ થતાં જ યુઝરે ફની કમેન્ટ્સનો ધોધ શરૂ કર્યો છે. એક યુઝર કહે છે કે દુલ્હો લગ્ન થવાના હોવાથી તેના લેપટોપમાંથી પાસવર્ડ દૂર રહી રહ્યો હશે તો અન્ય એક યુઝરે કહ્યું કે દુલ્હને લગ્ન કેન્સલ કરી દેવા જોઈએ. તો કેટલાકે આને પબ્લિસિટી સ્ટન્ટ કહ્યો છે. જોકે કમેન્ટ્સમાં આ લગ્ન અટેન્ડ કરનારા યુઝરે કહ્યું છે કે દુલ્હો ઓફિસનું કામ નહોતો કરી રહ્યો પરંતુ વર્ચ્યુઅલ વેડિંગ સેલિબ્રેશન માટે કેમેરા સેટ કરી રહ્યો હતો.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments