- Advertisement -
સ્પોર્ટ્સ ડેસ્ક: 1 ઓગસ્ટ 2021 સુધી રમનાર બધી ટેસ્ટ મેચ વર્લ્ડ ટેસ્ટ ચેમ્પિયનશીપનો ભાગ રહેશે. ભારતની પહેલી મેચ 22 ઓગસ્ટથી વેસ્ટ ઇન્ડિઝ વિરુદ્ધ રમાશે. આ ચેમ્પિયનશીપમાં પહેલી વાર ખેલાડીઓ નામ અને નંબરવાળી જર્સી પહેરીને રમશે. ભારતીય ટીમમાં જર્સી પર 2 નંબરનો ઉપયોગ થશે નહીં તેવી સંભાવના વધારે છે. એક છે સચિન તેંડુલકરની 10 નંબરની જર્સી અને બીજી છે એમએસ ધોનીની 7 નંબરની જર્સી. બીસીસીઆઈ અનુસાર, આ બંને નંબરનો ઉપયોગ થાય તેવી સંભાવના બહુ ઓછી છે.
બીસીસીઆઈએ સચિનની 10 નંબરની જર્સી રિટાયર કરી હતી
- સચિને નિવૃત્તિ લીધા પછી શાર્દુલ ઠાકુરે એક વનડેમાં 10 નંબરની જર્સી પહેરી હતી. ત્યારે સોશિયલ મીડિયા પર તેની ભારે ટીકા થઇ હતી. તે પછી બીસીસીઆઈને વનડે અને ટી-20માં 10 નંબરની જર્સીને રિટાયર કરી હતી. જોકે ટેસ્ટ મેચ માટે ત્યારે નિર્ણય લેવામાં આવ્યો ન હતો.
- સચિનના સમ્માનમાં કોઈ પણ ભારતીય ખેલાડી 10 નંબરની જર્સી પહેરતું નથી. આ જ વસ્તુ ધોનીની 7 નંબરની જર્સી સાથે પણ થઇ શકે છે. પૂર્વ ભારતીય કપ્તાને 2014માં ટેસ્ટમાંથી નિવૃત્તિ લીધી હતી. એવું માનવામાં આવી રહ્યું છે કે ટેસ્ટમાં ભારતીય ટીમ વનડે જર્સી નંબરનો જ ઉપયોગ કરશે.
- બીસીસીઆઈના એક અધિકારીએ એક ઇન્ટરવ્યૂમાં કહ્યું કે, વિરાટ 18 અને રોહિત 45 નંબર પહેરી શકે છે. મોસ્ટલી બધા ખેલાડીઓ વનડે અને ટી-20 વાળા નંબર જ પહેરશે. જોકે ધોની ટેસ્ટ રમતો ન હોવાથી તેની જર્સી નંબર 7 ઉપલબ્ધ હશે. જોકે બહુ ઓછી સંભાવના છે કે કોઈ ખેલાડી તેનો ઉપયોગ કરે.
- તેણે કહ્યું કે, 7 નંબરની જર્સી ધોનીની ઓળખાણ બની ગઈ છે. વનડે સિરીઝ પછી જ વેસ્ટ ઇન્ડિઝમાં નંબરવાળી જર્સી પહોંચશે. રમતમાં જનરલી જર્સી રિટાયર થતી નથી. પરંતુ ભારતીય ક્રિકેટમાં સચિન પછી ધોનીનું કદ એટલું મોટું છે કે બીસીસીઆઈ તેની જર્સી રિટાયર કરી શકે છે.
