અંકલેશ્વર: સ્વચ્છતા અભિયાનમાં શ્રેષ્ઠ કામગીરી બદલ સુપરવાઈઝરો અને સંસ્થાઓનું સન્માન કરાયું

ગાંધી જયંતિ નિમિત્તે અંકલેશ્વર નગરપાલિકા દ્વારા ‘સ્વચ્છતા હી સેવા’ અભિયાન અને ‘સ્વચ્છ ભારત દિવસ’ની ઉજવણીના ભાગરૂપે ઉત્કૃષ્ટ કામગીરી કરનાર સુપરવાઈઝરો અને યોગદાન આપનાર શૈક્ષણિક-સામાજિક સંસ્થાઓનો સન્માન સમારોહ શારદા ભવન ટાઉન હોલ ખાતે યોજાયો હતો.

નગરપાલિકા પ્રમુખ લલીતાબેન રાજપુરોહિતની અધ્યક્ષતામાં યોજાયેલા આ કાર્યક્રમમાં વોર્ડ નંબર ૧, ૬ અને ૭ માં શ્રેષ્ઠ સફાઈ બદલ સુપરવાઈઝરોને સન્માનિત કરવામાં આવ્યા હતા.
આ ઉપરાંત, સ્વચ્છતા અભિયાનમાં સક્રિય સહભાગી બની યોગદાન આપનાર તમામ શૈક્ષણિક અને સામાજિક સંસ્થાઓને પણ સન્માન પત્ર આપીને ગૌરવિત કરવામાં આવી હતી. આ પ્રસંગે સ્વચ્છતા રેલી અને સ્પર્ધાઓ જેવા કાર્યક્રમો પણ યોજાયા હતા.