આમોદ તાલુકાના પૂરસા ગામમાં ગઈકાલે રાત્રે 14 ફૂટ લાંબો મહાકાય મગર દેખાતા ભારે દોડધામ મચી ગઈ હતી. ગામની પાછળથી પસાર થતી ઢાઢર નદીમાંથી બહાર આવીને આ મગર માનવ વસાહતમાં ઘૂસી ગયો હતો, જેના કારણે ગામ લોકોમાં ગભરાટ ફેલાયો હતો.
આ ઘટનાની જાણ થતા જ ગામલોકોએ તુરંત વન વિભાગની ટીમને જાણ કરી હતી. માહિતી મળતાની સાથે જ વન વિભાગની ટીમ તાત્કાલિક ઘટનાસ્થળે પહોંચી હતી અને મગરને પકડવાની કામગીરી શરૂ કરી હતી.
વન વિભાગની ટીમે ભારે જહેમત બાદ આ મગરને સલામત રીતે પકડી પાડ્યો હતો. વન વિભાગની આ સમયસર અને સઘન કાર્યવાહીને કારણે કોઈ અનિચ્છનીય બનાવ બન્યો નહોતો અને મોટી દુર્ઘટના ટળી હતી. મગરને સુરક્ષિત રીતે પકડવાની આ કામગીરી દરમિયાન કોઈ જાનહાનિ થઈ ન હતી, જે વન વિભાગની કુશળતાનો પરિચય આપે છે. ગામલોકોએ વન વિભાગની આ ઝડપી અને અસરકારક કામગીરીને બિરદાવી હતી.
REPOTER : કેતન મહેતા, આમોદ