પાલડી વિસ્તારમાં આવેલી વૃંદાવન ચિલ્ડ્રન હોસ્પિટલમાં આગ લાગવાની ઘટના સામે આવી હતી. હોસ્પિટલમાં આગ લાગતાની સાથે જ ભારે દોડધામ મચી જવા પામી હતી અને તાત્કાલિક ફાયર બ્રિગેડને જાણ કરવામાં આવી હતી.
અમદાવાદ શહેરના પાલડી વિસ્તારમાં આવેલી વૃંદાવન ચિલ્ડ્રન હોસ્પિટલમાં આગ લાગવાની ઘટના સામે આવી હતી. હોસ્પિટલમાં આગ લાગતાની સાથે જ ભારે દોડધામ મચી જવા પામી હતી અને તાત્કાલિક ફાયર બ્રિગેડને જાણ કરવામાં આવી હતી.આગની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે દોડી ગઈ હતી. 3 ફાયર ફાઇટરની મદદથી આગને કાબૂમાં લેવાની કામગીરી શરૂ કરવામાં આવી હતી. ફાયર ફાઇટર્સના સતર્ક પ્રયાસોને કારણે ટૂંક સમયમાં જ આગ પર સંપૂર્ણપણે કાબૂ મેળવી લેવામાં આવ્યો હતો.
જોકે, હોસ્પિટલમાં આગ લાગવાના કારણે થોડા સમય માટે ભયનો માહોલ સર્જાયો હતો. સદભાગ્યે, ફાયર બ્રિગેડની સમયસર કામગીરીને કારણે કોઈ મોટી જાનહાનિના સમાચાર નથી. આગ લાગવા પાછળનું ચોક્કસ કારણ જાણવા માટે વધુ તપાસ હાથ ધરવામાં આવી છે.