BHARUCH : ભરૂચ મોઢ મોદી સમાજ દ્વારા કુળદેવી શ્રી મોઢેશ્વરી માતાનો દસમો પાટોત્સવ ભક્તિભાવ પૂર્વક ઉજવાયો

ભરૂચના લિંક રોડ ખાતે આવેલા શ્રી ભૃગૂપુર મોઢ મોદી સમાજના કુળદેવી શ્રી મોઢેશ્વરી માતાજીનો દસમો પાટોત્સવ ગતરોજ ધાર્મિક માહોલમાં ઉજવવામાં આવ્યો હતો.
પાટોત્સવ નિમિત્તે સવારથી જ વિવિધ ધાર્મિક કાર્યક્રમોનું આયોજન કરવામાં આવ્યું હતું, જેમાં સવારે ૭:૩૦ કલાકે આરતી બાદ કેક કાપવામાં આવી હતી. બપોરે ૩:૦૦ કલાકે માતાજીનો હવન શરૂ થયો હતો, જેમાં સાંજે ૫:૦૦ કલાકે શ્રીફળ હોમવામાં આવ્યું હતું.

ત્યારબાદ સાંજે ૫:૩૦ કલાકે મહાઆરતી અને સાંજે ૬:૦૦ કલાકે મહાપ્રસાદી યોજાઈ હતી. આ રૂડા અવસરમાં મોટી સંખ્યામાં ભાવિક ભક્તોએ હાજર રહીને માતાજીનું પૂજન-અર્ચન કરી ધન્યતા અનુભવી હતી.