વઢવાણા તળાવના પ્રવાસીઓને ૧૫ કિલોમીટરનો વધારાનો ફેરો ડભોઇ તાલુકામાં આવેલું વઢવાણા તળાવ માત્ર ગુજરાતમાં જ નહીં, પરંતુ દેશ-વિદેશમાં પક્ષી નિરીક્ષણ માટે પ્રખ્યાત છે. જોકે, આ પ્રખ્યાત સ્થળ સુધી પહોંચાડતા મુખ્ય માર્ગની દયનીય હાલત પ્રવાસીઓ માટે મોટી મુશ્કેલી ઊભી કરી રહી છે.
ડભોઇ તાલુકાના સીમરીયાથી વઢવાણા તરફ જતો આશરે એક કિલોમીટર જેટલો માર્ગ હાલમાં એકદમ ખખડધજ સ્થિતિમાં છે. માર્ગ પર મોટા ખાડાઓ પડ્યા છે, જેના કારણે વાહનચાલકોને પારાવાર મુશ્કેલી વેઠવી પડી રહી છે. આટલું જ નહીં, રસ્તાની બંને બાજુએ જાડી-ઝાખરાં એટલાં ઊગી ગયાં છે કે તે રસ્તાની સપાટી સુધી પહોંચી ગયાં છે, જેના કારણે માર્ગ સાંકડો બની ગયો છે અને અવરજવર જોખમી બની ગઈ છે.
શિયાળાની શરૂઆત અને પક્ષીઓના આગમનની મોસમ:
શિયાળાની ઋતુના પ્રારંભ સાથે જ વઢવાણા તળાવ ખાતે દેશ-વિદેશના મહેમાન પક્ષીઓનું આગમન શરૂ થવાની તૈયારી છે. આ સમય દરમિયાન મધ્ય ગુજરાત સહિત દૂર-દૂરના વિસ્તારોમાંથી પક્ષી પ્રેમીઓ અને પ્રવાસીઓ મોટી સંખ્યામાં વઢવાણાની મુલાકાત લેવા આવે છે.જોકે, સીમરીયાથી વઢવાણાના મુખ્ય માર્ગની આ ખરાબ હાલત પ્રવાસીઓના ઉત્સાહ પર પાણી ફેરવશે. ખરાબ રસ્તાના કારણે પ્રવાસીઓને આ માર્ગનો ઉપયોગ કરવાનું ટાળીને, અંદાજે ૧૫ કિલોમીટરનો લાંબો વધારાનો ફેરો કરીને વઢવાણા પહોંચવું પડશે, જે સમય અને નાણાં બંનેનો વ્યય કરાવશે અને પ્રવાસીઓ માટે માથાનો દુખાવો બનશે.પ્રવાસન વિભાગના કાગળ પરના વિકાસના દાવા:એક તરફ રાજ્યનું પ્રવાસન વિભાગ વઢવાણા તળાવને વિકસાવવાની અને તેને આંતરરાષ્ટ્રીય સ્તરે પ્રખ્યાત કરવાની વાતો કરે છે, પરંતુ તળાવ સુધી પહોંચાડતા માર્ગની આ હાલત જોતાં એવું લાગે છે કે વિકાસની વાતો માત્ર કાગળ પર જ સીમિત રહી ગઈ છે. રસ્તાની ખરાબી પ્રવાસન વિભાગનાદાવાઓની પોકળતા છતી કરે છે.
પ્રવાસીઓ અને સ્થાનિકોની તાત્કાલિક માંગ:
વઢવાણા તળાવની પ્રસિદ્ધિ અને શિયાળાની મોસમમાં આવતા પ્રવાસીઓની સુવિધાને ધ્યાનમાં રાખીને, સ્થાનિકો તેમજ પર્યાવરણ પ્રેમીઓ દ્વારા વહીવટી તંત્ર પાસે તાત્કાલિક ધોરણે નીચે મુજબની માંગણીઓ ઉઠાવવામાં આવી છે રોડનું તાત્કાલિક મરામત (રિપેરિંગ) કાર્ય શરૂ કરવામાં આવે.રસ્તાની બંને બાજુએ ઊગી નીકળેલા જાડી-ઝાખરાંનું સફાઇ અને કટિંગ કરાવવામાં આવે, જેથી માર્ગ પહોળો બને અને અવરજવર સરળ બને.ડભોઇ તાલુકાનું આ મહત્વનું પર્યટન સ્થળ રાજ્યભરમાં પ્રખ્યાત છે, ત્યારે તંત્ર દ્વારા વહેલી તકે આ માર્ગનું કામ હાથ ધરીને પ્રવાસીઓને સુવિધા પૂરી પાડવામાં આવે તે સમયની માંગ છે.