ભારતીની સ્ટાર ઓલરાઉન્ડર અને ICC વનડે મહિલા વિશ્વ કપની પ્લેટર ઓફ ધ ટૂર્નામેન્ટ દીપ્તિ શર્માએ મહિલા પ્રીમિયર લીગ 2026ની હરાજીમાં ઈતિહાસ રચી દીધો છે. હરાજીમાં તેમની બોલી રૂ.50 લાખની બેઝ પ્રાઈસથી વધીને રૂ.3.2 કરોડ થઈ હતી. યુપી વોરિયર્સે રાઈટ ટુ મેચ (RTM) કાર્ડનો ઉપયોગ કરીને દીપ્તિ શર્માને ટીમમાં સામેલ કર્યા. ગયા સીઝન સુધી તેમનો પગાર રૂ.2.6 કરોડ હતો, અને આગામી સીઝનથી તે વધીને રૂ.3.2 કરોડ થશે. યુપી વોરિયર્સે તેમને તેમના બેઝ પ્રાઈસના છ ગણા ભાવે ખરીદ્યા છે.
સ્મૃતિ મંધાના બાદ WPLની સૌથી મોંઘી ખેલાડી બની દીપ્તિ
મહિલા પ્રીમિયર લીગ 2026ની હરાજી માટે દીપ્તિને લઈને દિલ્હી કેપિટલ્સ અને યુપી વોરિયર્સ વચ્ચે જોરદાર મુકાબલો થયો હતો, પરંતુ યુપી વોરિયર્સે યોગ્ય સમયે RTMનો ઉપયોગ કરીને દીપ્તિને તેના ગ્રુપમાં પાછી બોલાવી લીધી હતી. આ હરાજી બાદ દીપ્તિ, સ્મૃતિ મંધાના બાદ WPLના ઈતિહાસની બીજી સૌથી મોંઘી ખેલાડી બની ગઈ છે અને મહિલા ક્રિકેટમાં તેને પોતાના છબી એક કમ્પલીટ અને પ્રભાવશાળી ખેલાડી તરીકે વધુ મજબૂત કર છે. દીપ્તિ શર્મા માટે આ એક હરાજીની જીત નહીં, પરંતુ ભાવનાત્મક વાપસી છે. આગ્રાની સ્ટાર હવે ફરી એકવાર યુપી વોરિયર્સનું પ્રતિનિધિત્વ કરશે. યુપી વોરિયર્સે ફક્ત એક ખેલાડીને જ નહીં, પરંતુ એક ક્રિકેટ આઇકોનને ઘરે પાછી લાવી છે, જે સમગ્ર ઉત્તર પ્રદેશ માટે પ્રેરણા બની છે.
| WPLની અત્યાર સુધીની સૌથી મોંઘી ખરીદ | |||
| ખેલાડી | ટીમ | કિંમત | વર્ષ |
| સ્મૃતિ મંધાના | RCB | ₹3.4 કરોડ | 2023 |
| દીપ્તિ શર્મા | UPW | ₹3.2 કરોડ | 2026 |
| એશ્લે ગાર્ડનર | GG (ગુજરાત જાયન્ટ્સ) | ₹3.2 કરોડ | 2023 |
| નેટ સ્કિવર-બ્રન્ટ | MI (મુંબઈ ઈન્ડિયન્સ) | ₹3.2 કરોડ | 2023 |
| અમેલિયા કર | MI (મુંબઈ ઈન્ડિયન્સ) | ₹3 કરોડ | 2026 |
માર્કી ખેલાડીઓની પહેલી યાદી
WPL 2026 ની હરાજી માટે માર્કી ખેલાડીઓની પહેલી યાદી બહાર પાડવામાં આવી હતી. આઠ ખેલાડીઓમાંથી સાત ખેલાડીઓ પર બોલી લગાવવામાં આવી હતી. ઓસ્ટ્રેલિયન કેપ્ટન એલિસા હીલી અનસોલ્ડ રહી. આ દરમિયાન ન્યુઝીલેન્ડની સોફી ડિવાઇનને ગુજરાત જાયન્ટ્સે રૂ.2 કરોડમાં, દીપ્તિને યુપી વોરિયર્સે રૂ.3.2 કરોડમાં, અમેલિયા કરને મુંબઈ ઇન્ડિયન્સે રૂ.3 કરોડમાં અને રેણુકા સિંહને ગુજરાત જાયન્ટ્સે રૂ.60 લાખમાં ખરીદ્યા હતા.
WPL 2026 હરાજી : ખેલાડીઓ અને તેમની બોલી
ખેલાડી બેઝ પ્રાઈસ અંતિમ બોલી ટીમ
એલિસા હીલી ₹50 લાખ અનસોલ્ડ —
સોફી ડિવાઇન ₹50 લાખ ₹2 કરોડ ગુજરાત જાયન્ટ્સ
દીપ્તિ શર્મા ₹50 લાખ ₹3.2 કરોડ યુપી વોરિયર્સ
અમેલિયા કર ₹50 લાખ ₹3 કરોડ મુંબઈ ઈન્ડિયન્સ
રેણુકા સિંહ ₹40 લાખ ₹60 લાખ ગુજરાત જાયન્ટ્સ
સોફી એક્લેસ્ટોન ₹50 લાખ ₹85 લાખ યુપી વોરિયર્સ
મેગ લેનિંગ ₹50 લાખ ₹1.90 કરોડ યુપી વોરિયર્સ
એલ વોલ્વાર્ટ ₹30 લાખ ₹1.10 કરોડ દિલ્હી કેપિટલ્સ