અમદાવાદ શહેરના નરેન્દ્ર મોદી સ્ટેડિયમમાં રમાનારી ભારત અને દક્ષિણ આફ્રિકા વચ્ચેની ટી-20 સીરિઝની અંતિમ અને નિર્ણાયક મેચ આજે (19 ડિસેમ્બર) રમાશે. ત્યારે ટીમ ઈન્ડિયા આજે ગુરુવારે અમદાવાદમાં આગમન થઈ ચૂક્યું છે. ટીમ ઈન્ડિયા એરપોર્ટ પર સાંજે આવી પહોંચી હતી. 5 મેચની આ સીરિઝમાં અત્યારે ભારત 2-1 થી આગળ છે, ત્યારે આવતીકાલની મેચ સીરિઝના વિજેતાનો ફેંસલો કરશે.
ગુજસેલ ખાતે ટીમનું ઉષ્માભર્યું સ્વાગત
ટીમ ઈન્ડિયાના ખેલાડીઓ ખાસ વિમાન દ્વારા અમદાવાદ એરપોર્ટ પર ઉતર્યા હતા અને ત્યાંથી ગુજસેલ (GUJSAIL) ટર્મિનલ ખાતે પહોંચ્યા હતા. પોતાના મનપસંદ ક્રિકેટ સ્ટાર્સની એક ઝલક મેળવવા માટે વહેલી સવારથી જ મોટી સંખ્યામાં ક્રિકેટ પ્રેમીઓ એરપોર્ટ પર ઉમટી પડ્યા હતા. ચુસ્ત સુરક્ષા વચ્ચે ખેલાડીઓને હોટલ સુધી લઈ જવામાં આવ્યા હતા.
સીરિઝનું સમીકરણ: ભારત પાસે ઈતિહાસ રચવાની તક
5 મેચોની આ રોમાંચક સીરિઝમાં અત્યાર સુધી: ભારત 2-1થી સીરિઝમાં લીડ ધરાવે છે.
ચોથી મેચ ખરાબ હવામાનને કારણે રદ્દ કરવી પડી હતી.
જો આવતીકાલે ભારત જીતે છે તો સીરિઝ 3-1થી પોતાના નામે કરશે, જ્યારે સાઉથ આફ્રિકા જીતશે તો સીરિઝ 2-2 થી બરાબરી પર સમાપ્ત થશે.
પોલીસનો લોખંડી બંદોબસ્ત
આ હાઈ-પ્રોફાઈલ મેચને ધ્યાનમાં રાખીને રાજ્ય અને સ્થાનિક પોલીસ દ્વારા કડક સુરક્ષા વ્યવસ્થા ગોઠવવામાં આવી છે. સ્ટેડિયમની અંદર અને બહાર હજારો પોલીસ કર્મીઓ તૈનાત કરવામાં આવ્યા છે. VVIP મહેમાનો અને ખેલાડીઓની સુરક્ષા માટે એરપોર્ટથી લઈને હોટલ અને સ્ટેડિયમ સુધી ખાસ રૂટ તૈયાર કરવામાં આવ્યા છે.
ક્રિકેટ પ્રેમીઓમાં ભારે ઉત્સાહ
અમદાવાદના ક્રિકેટ પ્રેમીઓમાં આ મેચને લઈને ભારે ક્રેઝ જોવા મળી રહ્યો છે. છેલ્લી મેચ વરસાદમાં ધોવાઈ ગયા બાદ હવે ફેન્સને આશા છે કે આજે મેચ પૂરી રમાશે અને ટીમ ઇન્ડિયા ટ્રોફી જીતશે. ટિકિટોના વેચાણ અને સ્ટેડિયમની તૈયારીઓ પરથી લાગી રહ્યું છે કે આવતીકાલે મેદાન ‘હાઉસફુલ’ રહેશે.