મેષ : આપની મહેનત-બુદ્ધિ-અનુભવ-આવડતથી આપના કામનો ઉકેલ લાવી શકો. સીઝનલ ધંધામાં આકસ્મિક ઘરાકી આવી જાય.
વૃષભ : આપ હરો-ફરો-કામકાજ કરો પરંતુ આપના હૃદય-મનને-શાંતિ-રાહત જણાય નહીં. ઘર-પરિવારની ચિંતા આપને જણાય.
મિથુન : આપના કામમાં ઉપરીવર્ગ-સહકાર્યકરવર્ગ-નોકર-ચાકરવર્ગનો સાથ-સહકાર મળી રહે. પરદેશના કામકાજમાં પ્રગતિ જણાય.
કર્ક : આપના કામકાજમાં સાનુકૂળતા મળી રહે. કૌટુંબિક-પારિવારિક કામકાજ માટે દોડધામ-શ્રમ રહે. કામનો ઉકેલ આવતાં રાહત રહે.
સિંહ : માનસિક પરિતાપ-વ્યગ્રતા છતાં આપના કામમાં વ્યસ્ત રહી શકો. સંસ્થાકીય કામ-જાહેરક્ષેત્રના કામમાં આપે વ્યસ્ત રહેવું પડે.
કન્યા : રાજકીય-સરકારી કામકાજ, ખાતાકીય કામમાં આપને મુશ્કેલી જણાય. કામકાજમાં વિલંબ થવાથી આપને ઉચાટ-ઉદ્વેગ રહે.
તુલા : સંતાનનો સાથ-સહકાર મળી રહેતાં આપને કામમાં રાહત જણાય. ધંધામાં ઘરાકી જણાય. વાણીની મીઠાશથી કામમાં સરળતા રહે.
વૃશ્ચિક : દિવસના પ્રારંભથી જ આપે સતત કોઈને કોઈ કામમાં વ્યસ્ત રહેવાનું બને. જમીન-મકાન-વાહનના કામમાં સરળતા રહે.
ધન : નોકરી-ધંધાના કામકાજ અંગે બહાર કે બહારગામ જવાનું બને. અગત્યના કામકાજ અંગેની મિલન-મુલાકાતમાં સાનુકૂળતા મળી રહે.
મકર : આપે તન-મન-ધનથી-વાહનથી સંભાળીને શાંતિથી દિવસ પસાર કરી લેવો. કૌટુંબિક-પારિવારિક પ્રશ્ને ચિંતા-ઉચાટ રહે.
કુંભ : આપના અગત્યના કામનો ઉકેલ આવવાથી રાહત અનુભવો. મહત્ત્વના નિર્ણય લેવાના હોય તો લઈ શકાય. આનંદ રહે.
મીન : નોકરી-ધંધાના કામ સાથે બીજું કોઈ કામ આવી જતાં, અન્ય સહકર્મીનું કામ આવી જતાં આપના કાર્યભારમાં વધારો જણાય.