નરોડાની મહિલાને ગઠિયાએ કસ્ટમ તથા સીબીઆઇ અધિકારીની ઓળખ આપી હતી અને તમારા સંબંધી દિલ્હી એરપોર્ટ પરથી કરોડો સાથે પકડાયા છે જે રૃપિયા તમને આપવાના હોવાની વાત કરે છે કેસમાંથી બચવા માટે ત્રણ લાખની માંગણી કરીને મહિલાને ડિજીટલ એરેસ્ટ કરીને ડરાવી ધમકાવી હતી અને સંબંધી સાથે વાત કરવા કહેતા મહિલા ફોન કરવા સાયબર કાફેમાં ગઇ હતી જ્યાં કાફેના સંચાલકે પોલીસ પાસે મોકલી હતી ડરી ગયેલી મહિલા આપઘાત કરવાની વાત કરતી હોવાથી પોલીસે સાચી સમજણ આપીને મહિલાને આપઘાત કરતા બચાવી હતી.
નરોડાની મહિલા ઇન્ટરનેશલ ફોન કરવા ગઇ ઃસાયબર કાફેના સંચાલકે પોલીસની મદદ લેતા ત્રણ લાખની છેતરપીંડી અટકી
નરોડામાં રહેતી મહિલાના ફોન ઉપર ગઇકાલે અજાણ્યા ઇન્ટરનેશનલ નંબર ઉપરથી ફોન આવ્યો હતો. અજાણી વ્યક્તિઓએ કસ્ટમ ઓફિસર અને સીબીઆઇ અધિકારીની ઓળખ આપી હતી અને તમારા સંબંધી કરોડો રૃપિયા સાથે દિલ્હી એરપોર્ટ પરથી પકડાયા હોવાથી એરેસ્ટ કરેલા છે પૂછપરછમાં ગેરકાયદેસર પ્રવૃતિના રૃપિયા તમને આપવા માટે આવ્યા છે કહી મહિલાને ડિઝિટલ એરેસ્ટ કરીને તમારે કેસમાં બચવું હોય તો ઓનલાઇન ત્રણ લાખ રૃપિયા મોકલવાની વાત કરીને મહિલાને ડરાવી ધમકાવી હતીથોડીવાર પછી વિડિયો કોલ કરીને મહિલાને સંબંધી સાથે વાત કરવાનું કહીને સાયબર કેફેમાં મોકલી હતી. જેથી મહિલા ગભરાઇને સાયબર કેફેમાં ગઇ હતી. કાફેના માલિકને શંકા જતા તેને મહિલાને નજીકમાં કૃષ્ણનગર પોલીસ ચોકીમાં મોકલી હતી. ગઠિયાનો ફોન ચાલું હોવાથી પીએસઆઇએ ફોન કરનારને ખખડાવતા ફોન કાપી નાખ્યો હતો. ત્યારબાદ ડિજિટલ એરેસ્ટના ડરથી મહિલા ડરીને આપઘાત કરવાની વાત કરતી હતી પોલીસની શી ટીમે મહિલાને સમજાવીને આપઘાત કરવા જતાં બચાવી લીધી હતી.