નાકાબંધીના દાવા વચ્ચે ગુજરાતમાં દારુબંધી છતાં છે ક હરિયાણાથી દારુનો જથ્થો લઇને અમદાવાદ કેવી રીતે પહોચ્યા તે મોટો સવાલ છે રામોલ પોલીસે વસ્ત્રાલ એક્સપ્રેસ હાઇવેથી હરિયાણાથી વિદેશી દારુનો રૃા.૧૨.૫૦ લાખનો જથ્થો લઇ રાજસ્થાનના ચાર બુટલેગરને ઝડપી પાડયા હતા. પોલીસ તપાસમાં આ દારુનો જથ્થો ધંધુકા લઇને જતા હતા. આરોપીઓ ઝંગી એપ્લિકેશનનો ઉપયોગ કરીને લાઇવ લોકેશનના આધારે રાજકોટ તરફ જતા હતા. જેમાં પાયલોટિંગ કારમાં સવાર મુખ્ય બુટલેગરને ડાયરેક્શન આપતો હતો. આ બનાવ અંગે રામોલ પોલીસે છ શખ્સો સામે ગુનો નોંધીને ચારની ધરપકડ કરીને ફરાર બે આરોપીની શોધખોળ હાથ ધરી છે.
ઝંગી એપ્લિકેશનથી બુટલેગર પાયલોટિંગ કારમાં લાઇવ લોકેશન ગૃ્રપમાં શેર કરીને ડાયરેક્શન આપતા ઃ ચાર બુટલેરને ટ્રીપ દીઠ આઠ હજાર પગાર આપીને મોકલ્યા રામોલ પોલીસને ચોક્કસ બાતમી મળી હતી કે બે કારમાં વાલ રિંગરોડ એક્સપ્રેસ હાઇવે રાજકોટ તરફ જવા બહાર નીકળવાના છે જેને લઇને પોલીસ વોચમાં હતી દરમિયાન શંકાસ્પદ બે કારને રોકી હતી જેમાં તપાસ કરતા કારમાંથી રૃ. ૧૨.૪૮ લાખની કિંમતની ૮૭૬ વિદેશી દારુની બોટલો મળી આવી હતી. પોલીસે બે કાર સહિત કુલ રૃા. ૧૮.૮૮ લાખનો મુદ્દામાલ કબજે કર્યો હતો.
પોલીસે કારમાં સવાર ચાર બુટલેગરની પૂછપરછ કરતા રાજસ્થાનના કમલેશ ,સુમેરસિંગ, શંકરસિંહ , હરિયાણાના અક્ષય જાટ હોવાનું બહાર આવ્યું હતું. આરોપીઓને ઉદેપુર રાજસ્થાનના ફરાર આરોપી સાખાભાઇએ નંબર પ્લેટ બદલીને મોબાઇલ ફોન આપીને મોકલ્યા હતા અને આ દારુનો જથ્થો ધંધુકા ખાતે આપવા જતા હતા. કારનું સાખાભાઇ પાયલોટિંગ કરતો હતો ત્યારે તમામના મોબાઇલમાં ઝંગી એપ્લિકેશન ઇન્સ્ટોલ કરાવીને લાઇવ લોકેશન મોકલીને ધંધુકા પહોચવાનું કહ્યું હતું. સાખો ચારેયને એક ટ્રીપના રૃા. ૮ હજાર પગાર આપતો હતો.