meetarticle
ભરૂચ જિલ્લાના આમોદ નજીકથી વહેતી ઢાઢર નદી ભયજનક સપાટીની નજીક પહોંચી ગઈ છે. જેના કારણે નદીકાંઠાના ગામોમાં વહીવટી તંત્ર દ્વારા એલર્ટ જાહેર કરવામાં આવ્યું છે. ભારે વરસાદના કારણે ઢાઢર નદીની જળ સપાટીમાં સતત વધારો થઈ રહ્યો છે. હાલમાં, નદીની જળ સપાટી 99.99 ફૂટે પહોંચી ગઈ છે, જ્યારે તેની ભયજનક સપાટી 101 ફૂટ છે. આ પરિસ્થિતિને જોતા, નદી કાંઠાના ગામો જેવા કે આછોદ, સરભાણ, અને અન્ય ગામોના લોકોને સાવચેત રહેવા સૂચના આપવામાં આવી છે. સ્થાનિક વહીવટી તંત્ર પરિસ્થિતિ પર સતત નજર રાખી રહ્યું છે અને લોકોને સલામત સ્થળે ખસી જવા માટે જરૂરી વ્યવસ્થા કરી રહ્યું છે. જો નદીની સપાટીમાં વધુ વધારો થાય, તો નીચાણવાળા વિસ્તારોમાં પૂરનું જોખમ વધી શકે છે. લોકોને અપીલ કરવામાં આવી છે કે તેઓ નદીના પ્રવાહથી દૂર રહે અને કોઈપણ અફવા પર ધ્યાન ન આપે.
રિપોર્ટર સૈફ અલી ભટ્ટી વાગરા
meetarticle