આજના આધુનિક યુગમાં ‘મહિલા સશક્તિકરણ’ વિશે ઘણી વાતો થાય છે, પરંતુ સાચું સશક્તિકરણ બહારના દેખાવમાં નહીં, પણ સ્ત્રીના આંતરિક માઈન્ડસેટમાં રહેલું છે. સ્ત્રી હોવું એટલે માત્ર જવાબદારીઓ નિભાવવી એવું નથી, પણ પોતાની એક એવી ઓળખ ઊભી કરવી છે કે જેની હાજરીથી વાતાવરણમાં હકારાત્મક પરિવર્તન આવે.
એક સ્ટ્રોંગ સ્ત્રી એ નથી જે રડતી નથી, પણ એ છે જે મન ભરીને રડી લીધા પછી આંસુ લૂછીને ફરીથી ઉભી થાય છે. તે પોતાની ભૂલોને છુપાવવાને બદલે તેને સ્વીકારે છે અને તેમાંથી શીખીને આગળ વધી છે.મૌનનું સામર્થ્ય તે જાણે છે કે ક્યારે અવાજ
ઉઠાવવો અને ક્યારે શાંત રહીને પોતાના પરિણામોથી દુનિયાને જવાબ આપવો. ઝાંસીની રાણી લક્ષ્મીબાઈ (અદમ્ય સાહસનું પ્રતીક)જ્યારે આપણે મજબૂત સ્ત્રીની વાત કરીએ ત્યારે રાણી લક્ષ્મીબાઈનું નામ અચૂક લેવું પડે. જે પોતાની છેલ્લી ક્ષણ સુધી હક માટે લડે. “હું મારી ઝાંસી નહીં આપું” આ વાક્ય માત્ર શબ્દો નહોતા, પણ એક સ્ત્રીનો પોતાના આત્મસન્માન અને માતૃભૂમિ પ્રત્યેનો મક્કમ સંકલ્પ હતો. તેમણે સાબિત કર્યું કે સ્ત્રી ધારણ કરે તો કોમળતા અને રૌદ્ર સ્વરૂપ બંને ને એકસાથે સાધી શકે છે. સુધા મૂર્તિ (સાદગી અને જ્ઞાનનો સંગમ)તેમની મજબૂતી તેમની સાદગીમાં છે. અબજોપતિ હોવા છતાં તેમના વિચારો અને મૂલ્યો પ્રત્યેની તેમની મક્કમતા દરેક સ્ત્રી માટે આદર્શ છે. તેમણે શીખવ્યું કે સાચી સુંદરતા તમારા જ્ઞાન અને વિનમ્રતામાં છે.કિરણ બેદી (નિડરતાનું નામ)ભારતના પ્રથમ મહિલા IPS અધિકારી તરીકે તેમણે સાબિત કર્યું કે સ્ત્રી જો ધારે તો પુરુષપ્રધાન વ્યવસ્થામાં પણ પોતાની મજબૂત ઓળખ બનાવી શકે છે. મેકઅપથી પણ વધુ પ્રભાવશાળી બાહ્ય સુંદરતા સમય જતાં કરમાઈ જાય છે, પરંતુ તમારો ‘માઈન્ડસેટ’ કાયમી છે. ફેશન અને આધુનિકતા જરૂરી છે, પણ તે તમારા લક્ષ્યો (Focus) આડે ન આવવી જોઈએ. એક શક્તિશાળી સ્ત્રી ક્યારેય પોતાને ઓછી આંકતી નથી તે જાણે છે કે તે પોતે એક ‘પાવર’ (શક્તિ) છે.જે સ્ત્રી પોતાની જાતને પ્રેમ કરે છે, તે જ આખી દુનિયાને સંભાળવાની શક્તિ ધરાવે છે. પોતાનાજીવનની ‘Queen’ બનો, કોઈની ‘Slave’ (ગુલામ) નહીં. આર્થિક રીતે સધ્ધર થવું અને પોતાના નિર્ણયો જાતે લેવાની હિંમત કેળવવી એ જ સાચી આઝાદી છે.
(Powerful Quotes) “મેકઅપથી નહીં, માઈન્ડસેટથી ચમકો. કારણ કે સુંદર ચહેરો તો બધે મળશે, પણ સુંદર વ્યક્તિત્વ ક્યાંક જ મળશે.””સ્ત્રીની શક્તિ તેના હાથના સ્નાયુઓમાં નહીં, પણ તેના મનની મક્કમતામાં હોય છે જેમ ઝાંસીની રાણીએ સાબિત કર્યું!એવી સ્ત્રી બનો જેની હાજરીથી ફરક પડે, અને જેની ગેરહાજરીમાં દુનિયા તેને યાદ કરે.”એક સ્ટ્રોંગ સ્ત્રી બનવા માટે તમારે કોઈની નકલ કરવાની જરૂર નથી. બસ, એટલા સમર્થ બનો કે તમે મુશ્કેલીમાં પણ હસી શકો અને નવેસરથી શરૂઆત કરી શકો. જ્યારે તમે તમારી જાતનું સન્માન કરશો, ત્યારે જ આખી દુનિયા તમારું સન્માન કરશે.
તમે જ તમારું આકાશ છો”
આજનો યુગ ટેકનોલોજી અને ગતિનો છે, જ્યાં સ્ત્રીઓ દરેક ક્ષેત્રમાં ડંકો વગાડી રહી છે. પરંતુ આ દોડધામમાં આધુનિક સ્ત્રીએ આ સત્ય ક્યારેય ન ભૂલવું જોઈએ દુનિયાને દેખાડવા માટે નહીં, પણ પોતાની નજરમાં ઊંચા ઉઠવા માટે જીવો.”ના” કહેતા શીખો (Power of No)એક આધુનિક સ્ત્રી તરીકે તમારે બધું જ પરફેક્ટ કરવાની જરૂર નથી. જો કોઈ બાબત તમારા સ્વાભિમાન કે માનસિક શાંતિને હણતી હોય, તો ત્યાં મક્કમતાથી “ના” કહેવું એ તમારી નબળાઈ નહીં પણ તમારી સૌથી મોટી તાકાત છે.ભીડનો હિસ્સો નહીં, ભીડનું કારણ બનો દુનિયા જે રસ્તે જાય છે તે રસ્તે ચાલવાને બદલે પોતાનો નવો રસ્તો કંડારો. કોઈની ‘કોપી’ બનવા કરતા ‘ઓરિજિનલ’ રહેવું વધુ ગૌરવપૂર્ણ છે. ફેશન ભલે આધુનિક હોય, પણ તમારા વિચારોમાં ભારતીય સંસ્કારોની મજબૂતી હોવી જોઈએ.
ગમે તેટલી સુખ-સાહ્યબી હોય, પણ પોતાની કમાણી અને પોતાના પગ પર ઊભા રહેવું એ આજના સમયની સૌથી મોટી જરૂરિયાત છે. જ્યારે તમારી પાસે તમારી પોતાની ઓળખ હશે, ત્યારે દુનિયા તમને સાંભળવા માટે મજબૂર થશે. “એક એવી સ્ત્રી બનો કે જ્યારે તમારા પગ જમીન પર પડે, ત્યારે મુશ્કેલીઓ પણ એમ વિચારે કે… ‘અરે બાપ રે! આ ફરીથી આવી ગઈ!’ તમે કોઈના માટે વિકલ્પ (Option) નહીં, પણ અનિવાર્યતા (Necessity) બનો.”પાંખો તો પક્ષીઓને પણ હોય છે, પણ આકાશ એનું જ હોય છે જે ઉડવાની હિંમત અને પડવાની તૈયારી રાખે છે.”
લેખિકા – દર્શના પટેલ નેશનલ મેડાલિસ્ટ