meetarticle
ભરૂચના નર્મદા મૈયા બ્રિજ પર આત્મહત્યાના વધી રહેલા બનાવોને અટકાવવા માટે રાજ્ય સરકારે મહત્વપૂર્ણ નિર્ણય લીધો છે. હવે, બ્રિજની બંને બાજુએ ₹૧.૮૪ કરોડના ખર્ચે સેફ્ટી નેટ (જાળી) લગાવવાની કામગીરી શરૂ કરવામાં આવી છે.
ભરૂચનો આ બ્રિજ, જે નર્મદા નદી પર આવેલો છે, તે આત્મહત્યા માટેનું એક હોટસ્પોટ બની ગયો હતો. આ સમસ્યાને ધ્યાનમાં રાખીને સ્થાનિક લોકો અને વિવિધ સામાજિક સંગઠનો દ્વારા લાંબા સમયથી સેફ્ટી નેટ લગાવવાની માંગણી કરવામાં આવી હતી.
માર્ગ અને મકાન વિભાગ દ્વારા આ અંગે વડોદરા વિભાગમાં દરખાસ્ત મૂકવામાં આવી હતી, જેને રાજ્ય સરકારે મંજૂરી આપી દીધી છે. પ્રથમ તબક્કામાં ટ્રાયલ રૂપે જાળી લગાવવામાં આવી હતી, જેનો સારો પ્રતિસાદ મળ્યો છે. હવે સમગ્ર બ્રિજ પર આ કામગીરી ચાલી રહી છે, જેનાથી આત્મહત્યાના બનાવોમાં ઘટાડો થવાની આશા છે.
meetarticle