meetarticle
ભરૂચ જિલ્લામાં શિક્ષણની ગુણવત્તા સુધારવા અને વિદ્યાર્થીઓને ઉત્કૃષ્ટ માળખાકીય સુવિધાઓ પૂરી પાડવા બદલ જિલ્લાની કુલ 16 શાળાઓને ‘સક્ષમ એવોર્ડ’ થી સન્માનિત કરવામાં આવી છે. સમગ્ર શિક્ષા અભિયાન અંતર્ગત જિલ્લા વિકાસ અધિકારી યોગેશ કાપસેની અધ્યક્ષતામાં કે.જે. ચોકસી હોલ ખાતે આ એવોર્ડ વિતરણ સમારંભ યોજાયો હતો.
આ સમારંભમાં શાળાઓને ગુણવત્તા સુધારવા માટે વિશેષ માર્ગદર્શન પણ પૂરું પાડવામાં આવ્યું હતું. સક્ષમ શાળામાં 4 અને 5 સ્ટાર મેળવનાર શાળાઓમાંથી જિલ્લા કક્ષાની 7 શાળાઓ અને તાલુકા કક્ષાની 9 શાળાઓની પસંદગી કરવામાં આવી હતી.
એવોર્ડ વિજેતા શાળાઓની વિગતો
- જિલ્લા કક્ષા: 7 શાળાઓ (3 પ્રાથમિક, 3 માધ્યમિક, 1 શહેરી)
- તાલુકા કક્ષા: 9 શાળાઓ (દરેક તાલુકા દીઠ એક)
એવોર્ડ વિજેતા શાળાઓને રોકડ પુરસ્કાર પણ એનાયત કરવામાં આવ્યો હતો, જેની વિગતો નીચે મુજબ છે: - પ્રથમ ક્રમ: રૂ. 31,000
- બીજો ક્રમ: રૂ. 21,000
- ત્રીજો ક્રમ: રૂ. 11,000
- આ ઉપરાંત, દરેક તાલુકામાંથી પસંદ થયેલી 9 શાળાઓને પણ રૂ. 11,000 નો પુરસ્કાર અને સન્માનપત્ર આપી સન્માનિત કરવામાં આવી હતી. આ પુરસ્કારની રકમ શાળાની એસ.એમ.સી. (શાળા વ્યવસ્થાપન સમિતિ) ને ચેક સ્વરૂપે આપવામાં આવી હતી.
આ કાર્યક્રમમાં જિલ્લા શિક્ષણ અધિકારી સ્વાતિબા રાઉલજી, ડી.પી.ઈ.ઓ સચિન શાહ, શિક્ષણ સમિતિના ચેરમેન સંજયસિંહ સિંધા સહિતના મહાનુભાવો ઉપસ્થિત રહ્યા હતા. આ સન્માનથી ભરૂચ જિલ્લાની શાળાઓમાં શિક્ષણની ગુણવત્તા સુધારવા માટે વધુ પ્રોત્સાહન મળશે.
meetarticle