meetarticle
શ્રદ્ધા કપૂર તેની નવી ફિલ્મ ‘નાગિન’નું શૂટિંગ આગામી એપ્રિલથી શરુ કરશે. તેની ‘ઈથા’ ફિલ્મનું શૂટિંગ માર્ચ માસ સુધી લંબાઈ જતાં તે પછી જ તે નવી ફિલ્મનાં શૂટિંગ માટે તારીખો ફાળવી શકશે.
‘નાગિન’ એક ફેન્ટસી ફિલ્મ છે. આ ફિલ્મમાં વિઝ્યુઅલ ઈફેક્ટસનો ભરપૂર ઉપયોગ કરવામાં આવશે. જોકે, ફિલ્મના અન્ય કલાકારોની વિગતો હજુ બહાર આવી નથી.
શ્રદ્ધા ફિલ્મ ‘ઇથા’માં તમાશા અને લાવણી નૃત્યાંગના વિઠાબાઇ નારાયણગાઉંકરની ભૂમિકા ભજવી રહી છે. આ ફિલ્મનાં શૂટિંગ દરમિયાન શ્રદ્ધાને ઇજા થઇ હતી. પરિણામે થોડા સમય માટે શૂટિંગ અટકી ગયું હતું.જોકે, શ્રદ્ધાએ ઈજા પછી પણ શૂટિંગ આગળ ધપાવતાં શિડયૂલ ખાસ લંબાવવું પડયું નથી.
meetarticle