દિલ્હી પોલીસના જણાવ્યા અનુસાર જે હ્યુન્ડાઈ આઈ20 કારમાં બોમ્બ વિસ્ફોટ થયો હતો તેજ કાર ઘટના પહેલા લગભગ ત્રણ કલાક સુધી એક મસ્જિદ પાસે પાર્કિંગમાં પાર્ક કરવામાં આવી હતી.
દિલ્હીમાં થયેલી કાર બ્લાસ્ટની તપાસમાં એક ચોંકાવનારો ખુલાસો થયો છે. વિસ્ફોટ સ્થળની આસપાસના સીસીટીવી ફૂટેજ સ્કેન કરવાથી નવી માહિતી બહાર આવી છે. દિલ્હી પોલીસના જણાવ્યા અનુસાર જે હ્યુન્ડાઈ આઈ20 કારમાં બોમ્બ વિસ્ફોટ થયો હતો તેજ કાર ઘટના પહેલા લગભગ ત્રણ કલાક સુધી એક મસ્જિદ પાસે પાર્કિંગમાં પાર્ક કરવામાં આવી હતી.બ્લાસ્ટ થયો તે કાર 3 કલાક પાર્કિંગમાં જ હતી
જેનો એક ફોટો સામે આવ્યો છે જેમાં સુનેહરી મસ્જિદ પાસે રસ્તા પર ચાલતી કાર દેખાઈ રહી છે. આ કાર 3 કલાકથી પાર્કિંગમાં પાર્ક કરેલી દેખાઇ હતી. દિલ્હી પોલીસના જણાવ્યા અનુસાર કાર 10 નવેમ્બરના રોજ બપોરે 3:19 વાગ્યે પાર્કિંગમાં પ્રવેશી હતી અને 6:48 વાગ્યે નીકળી ગઈ હતી. માત્ર ચાર મિનિટ પછી સાંજે 6:52 કલાકે સુભાષ માર્ગ લાલ લાઇટ પર કારમાં વિસ્ફોટ થયો. નજીકમાં પાર્ક કરેલા અન્ય ઘણા વાહનો પણ વિસ્ફોટથી પ્રભાવિત થયા હતા.
લાલ કિલ્લા મેટ્રો સ્ટેશન નજીક લગભગ સાંજે 6:52 વાગ્યે વિસ્ફોટ થયો હતો. વિસ્ફોટ બાદ વિકૃત હાલતમાં મૃતદેહો મળી આવ્યા હતા. ઘણા વાહનો પણ બળી ગયા હતા. વિક્ષેપજનક દ્રશ્યોમાં મૃતદેહો અને શરીરના વિચ્છેદિત ભાગો જમીન પર પડેલા દેખાતા હતા. વિસ્ફોટ પછી તરત જ મોટી સંખ્યામાં સુરક્ષા કર્મચારીઓ ઘટનાસ્થળે એકઠા થયા હતા. વિસ્ફોટમાં 12 લોકો માર્યા ગયા અને 20થી વધારે લોકોઘાયલ થયા હતા. ઘાયલોને હોસ્પિટલમાં દાખલ કરવામાં આવ્યા છે.
સૂત્રોના જણાવ્યા અનુસાર એવું પણ જાણવા મળ્યું છે કે શંકાસ્પદ વ્યક્તિ કાર પાર્ક કર્યા પછી કારમાંથી બહાર નીકળ્યો ન હતો. એવું માનવામાં આવે છે કે શંકાસ્પદ વ્યક્તિ પાર્કિંગમાં કોઈની રાહ જોઈ રહ્યો હતો, સૂચનાઓની રાહ જોઈ રહ્યો હતો.દિલ્હી પોલીસના જણાવ્યા અનુસાર લાલ કિલ્લા મેટ્રો સ્ટેશન નજીક થયેલા વિસ્ફોટના સંદર્ભમાં કોતવાલી પોલીસ સ્ટેશનમાં ગેરકાયદેસર પ્રવૃત્તિઓ (નિવારણ) અધિનિયમ (UAPA) ની કલમ 16, 18 અને વિસ્ફોટકો અધિનિયમ અને BNS ની વિવિધ કલમો હેઠળ કેસ નોંધવામાં આવ્યો છે.દિલ્હી પોલીસના અધિકારીઓના જણાવ્યા અનુસાર, તે IED બોમ્બ વિસ્ફોટ હતો. દિલ્હી પોલીસે આજે વહેલી સવારે પહાડગંજની એક હોટલમાંથી ચાર લોકોને ઝડપી લીધા.
સોમવારે સાંજે રાષ્ટ્રીય રાજધાની દિલ્હી એક પ્રચંડ વિસ્ફોટથી હચમચી ઉઠી હતી. લાલ કિલ્લા મેટ્રો સ્ટેશન નજીક ભીડભાડવાળા વિસ્તારમાં એક શક્તિશાળી કાર વિસ્ફોટમાં ઓછામાં ઓછા 12 લોકો માર્યા ગયા અને 20થી વધારે ઘાયલ થયા. આ વિસ્ફોટમાં અનેક વાહનોમાં આગ લાગી ગઈ.