GUJARAT : અંકલેશ્વરના અનુપમ મિશન દ્વારા ગડખોલ પાટિયા ખાતે અન્નકૂટ દર્શન ઉત્સવની ઉજવણી, મોટી સંખ્યામાં ભાવિક ભક્તોએ દર્શનનો લાભ લીધો

અંકલેશ્વરના ગડખોલ પાટિયા વિસ્તારમાં આવેલી આદિત્ય નગર સોસાયટી સ્થિત ઉપાસનાધામ ખાતે સંત સાહેબ દાદા પ્રેરિત અનુપમ મિશન દ્વારા ભવ્ય અન્નકૂટ ઉત્સવનું આયોજન કરવામાં આવ્યું હતું.

આ ધાર્મિક પ્રસંગે પરંપરાગત રીતે ભગવાન સ્વામિનારાયણને વિવિધ વાનગીઓનો અન્નકૂટ ધરાવવામાં આવ્યો હતો. મોટી સંખ્યામાં ભાવિક ભક્તો અને અક્ષરજનોએ આ અલૌકિક અન્નકૂટ દર્શનનો લાભ લીધો હતો. આ પ્રસંગે સંત સતિષદાસજી, મણીદાસજી સહિતના આગેવાનો ઉપસ્થિત રહ્યા હતા.