અંકલેશ્વરના ધારાસભ્ય ઈશ્વરસિંહ પટેલે અંકલેશ્વરમાં ₹7.43 કરોડના વિકાસ કાર્યોનું ખાતમુહૂર્ત કર્યું છે. આ પ્રોજેક્ટ્સમાં ONGC વર્કશોપથી ભરૂચી નાકા સુધીના મુખ્ય માર્ગનું નવીનીકરણ, 9 અન્ય માર્ગોનું રિકાર્પેટિંગ અને સિનિયર સિટીઝન ગાર્ડનનું નવીનીકરણ સામેલ છે.
આ મુખ્ય માર્ગ, જે પાલિકા હસ્તક લેવામાં આવ્યો છે, તેને ₹6 કરોડના ખર્ચે નવીનતમ ટેકનોલોજીથી બનાવવામાં આવશે. હાલમાં આ માર્ગની હાલત અત્યંત બિસ્માર છે અને વાહનચાલકોને ભારે હાલાકીનો સામનો કરવો પડી રહ્યો છે. આ ઉપરાંત, વરસાદથી ક્ષતિગ્રસ્ત થયેલા અન્ય 9 માર્ગોનું રિકાર્પેટિંગ ₹1.27 કરોડના ખર્ચે કરવામાં આવશે.
આ ઉપરાંત, જવાહર બાગ સામે આવેલા સિનિયર સિટીઝન ગાર્ડનનું ₹90.45 લાખના ખર્ચે રીનોવેશન કરવામાં આવશે. આ પ્રસંગે જિલ્લા ભાજપ પ્રમુખ પ્રકાશ મોદી, ચીફ ઓફિસર કેશવ કોલડિયા સહિતના અન્ય અગ્રણીઓ ઉપસ્થિત રહ્યા હતા. આ વિકાસકાર્યોથી અંકલેશ્વર શહેરના નાગરિકોને મોટી રાહત મળવાની અપેક્ષા છે.