અંકલેશ્વર ઔદ્યોગિક વિસ્તાર (GIDC) માં ટ્રાફિકની ગંભીર સમસ્યાને ધ્યાનમાં રાખીને અંકલેશ્વર ઇન્ડસ્ટ્રીયલ એસોસિએશને (AIA) એક મહત્વપૂર્ણ પગલું ભર્યું છે. AIA દ્વારા પ્રતિન ચોકડીથી એશિયન પેઇન્ટ્સ ચોકડી સુધીના રોડ પર આવેલી તમામ કંપનીઓને એક પરિપત્ર મોકલવામાં આવ્યો છે, જેમાં તેમને તેમના વાહનો ફરજિયાતપણે કંપનીના પરિસરમાં જ પાર્ક કરવાનો આદેશ આપવામાં આવ્યો છે.
ઘણીવાર એવું જોવા મળે છે કે ઔદ્યોગિક એકમો પાસે પૂરતી જગ્યા હોવા છતાં, કંપનીના કર્મચારીઓ અને ભારે વાહનો મુખ્ય માર્ગ પર જ પાર્ક કરવામાં આવે છે, જેના કારણે ટ્રાફિક જામ અને અકસ્માતનો ખતરો વધી રહ્યો છે. આ નિર્ણયનો હેતુ ટ્રાફિકની અવરજવરને સરળ બનાવવાનો અને અકસ્માતોની સંખ્યા ઘટાડવાનો છે. AIA દ્વારા લેવામાં આવેલું આ પગલું ટ્રાફિક વ્યવસ્થા સુધારવાની દિશામાં એક સકારાત્મક પહેલ છે, જે ભરૂચના ઔદ્યોગિક વિકાસમાં પણ મદદરૂપ થશે.