ઇડર તાલુકાના ઇડર ભિલોડા હાઈવે રોડ પર બડોલી બસ સ્ટેન્ડ પર દર વર્ષે ચોમાસા દરમિયાન પાણી ભરાઈ જવું અને રોડ પર મોટા ખાડા પડવાની સમસ્યાનું નિરાકરણ લાવવા સરકાર દ્વારા બસ સ્ટેન્ડ પર 250 મીટર લાંબો અને બંને બાજુ 7-7 મીટર પહોળો અંદાજિત 60 લાખના ખર્ચે આ માર્ગને સીસી રોડ બનાવવાનું શરૂ કરાયું છે.આ વિસ્તારમાં અગાઉ આવેલો ડામર રોડ વારંવાર તૂટી જવાના કારણે સ્થાનિકો અને વાહનચાલકોને ભારે હાલાકીનો સામનો કરવો પડતો હતો. આ બાબતે સ્ટેટ આર એન્ડ બી વિભાગના અધિકારીએ જણાવ્યું હતું કે નવા બની રહેલા આ સીસી રોડની ગુણવત્તા અને ટકાઉપણું ડામર રોડ કરતાં અનેક ગણું વધારે હોવાથી,
આગામી વર્ષો સુધી માર્ગ પરિવહનની સમસ્યાનું નિરાકરણ આવશે.અંદાજિત બે થી ત્રણ મહિનામાં રોડ બનીને તૈયાર થઈ જશે. દર વર્ષે ચોમાસા દરમ્યાન રોડ પર ગાબડાં પડવાની સમસ્યામાંથી છૂટકારો મળશે. બડોલી પંચાયતના સહયોગ સાથે ટ્રાફિક ડાયવર્ઝન સાથે હાલમાં ચાલી રહેલી ઝડપી કામગીરી કરાઈ રહી છે.
REPOTER : દુર્ગેશ જયસ્વાલ ઇડર