આજની ભાગદોડભરી અને તણાવયુક્ત જિંદગીમાં અનિદ્રા એક સામાન્ય સમસ્યા બની ગઈ છે. સતત સ્ક્રીન ટાઈમ અને કામના બોજને કારણે મન શાંત રહેતું નથી, જેની સીધી અસર આપણી ઊંઘ પર પડે છે. આવી સ્થિતિમાં મોંઘી દવાઓ લેવાને બદલે રસોડામાં રહેલું લવિંગ એક કુદરતી વરદાન સાબિત થઈ શકે છે.
રાત્રે સૂતા પહેલા લવિંગનું પાણી પીઓ
યૂજેનોલની શક્તિ લવિંગમાં રહેલું સૌથી મુખ્ય તત્વ યૂજેનોલ છે. આ એક શક્તિશાળી કુદરતી એન્ટીઓક્સિડન્ટ અને એન્ટીબેક્ટેરિયલ તત્વ છે. જ્યારે તમે રાત્રે સૂતા પહેલા લવિંગનું પાણી પીઓ છો, ત્યારે આ તત્વ શરીરની આંતરિક સિસ્ટમને સક્રિય કરે છે. તે પેટના એન્ઝાઇમ્સને ઉત્તેજિત કરે છે, જેનાથી ગેસ, એસિડિટી અને અપચા જેવી સમસ્યાઓ જડમૂળથી દૂર થાય છે. જ્યારે પેટ હળવું હોય, ત્યારે શરીર કુદરતી રીતે જ ઊંડી અને આરામદાયક નિંદ્રા તરફ જાય છે.
લવિંગમાં મનને શાંત કરનારા વિશિષ્ટ ગુણો
માનસિક શાંતિ અને ઊંડી ઊંઘ લવિંગના પાણીમાં મનને શાંત કરનારા વિશિષ્ટ ગુણો હોય છે. તે સ્નાયુઓના તણાવને ઘટાડે છે અને મગજને આરામનો સંકેત આપે છે. જે લોકોની ઊંઘ વારંવાર ઉડી જતી હોય, તેમના માટે આ પાણી સ્લીપ રિચાર્જ તરીકે કામ કરે છે. તે આખી રાત શરીરને રિપેર કરવામાં અને સવારે તાજગી સાથે જગાડવામાં મદદરૂપ થાય છે.
લવિંગના પાણીના ફાયદા
બ્લડ શુગર કંટ્રોલ: લવિંગ ઇન્સ્યુલિનની કાર્યક્ષમતા વધારે છે, જે ડાયાબિટીસના દર્દીઓ માટે શુગર લેવલ સ્થિર રાખવામાં મદદરૂપ છે.
ઓરલ હાઈજીન: એન્ટીબેક્ટેરિયલ ગુણોને કારણે તે મોઢાની દુર્ગંધ દૂર કરે છે અને દાંત કે પેઢાના દુખાવામાં રાહત આપે છે.
રોગપ્રતિકારક શક્તિ: તેનું નિયમિત સેવન ઇમ્યુનિટી વધારે છે, જેથી ઋતુજન્ય બીમારીઓ સામે રક્ષણ મળે છે.
દુખાવામાં રાહત: સાંધાના દુખાવા કે સોજામાં પણ લવિંગનું પાણી ધીમે-ધીમે અસર બતાવે છે.
કેવી રીતે તૈયાર કરશો લવિંગનું પાણી?
લવિંગનું પાણી બનાવવું અત્યંત સરળ છે. એક ગ્લાસ પાણીમાં 2 થી 3 લવિંગ ઉમેરી તેને 5-7 મિનિટ સુધી ધીમી આંચ પર ઉકાળો. પાણી સહેજ હૂંફાળું થાય ત્યારે તેને ગાળીને પી લો. જો તમને સ્વાદ ન ગમે, તો તેમાં મધ અથવા લીંબુના થોડા ટીપાં ઉમેરી શકાય છે.સ્વાસ્થ્ય માટે કુદરતી ઉપચારો હંમેશા લાંબાગાળે શ્રેષ્ઠ પરિણામ આપે છે. જો તમે પણ રાત્રે પડખા ફેરવતા હોવ, તો આજથી જ આ મેજિક ડ્રિંક શરૂ કરી જુઓ.