BHAKTI : ભગવાન મહાકાલને પહેરાવાઇ વૈદિક રાખડી, સવા લાખ લાડુનો ભોગ ધરાવાયો

સવારે ૩ વાગ્યે ભગવાન મહાકાલની ભસ્મ આરતી

આજ સવારે ૩ વાગ્યે ભગવાન મહાકાલની ભસ્મ આરતી શરૂ કરવામાં આવી. આ દરમ્યાન પ્રથમ જયારે ભગવાન મહાકાલને જલાભિષેક કરાયો, ત્યારબાદ પંચામૃતથી અભિષેક કરવામાં આવ્યો. ત્યારબાદ ભસ્મ આરતી અને આકર્ષક શૃંગાર કરવામાં આવ્યો. શૃંગાર પછી, પુજારી પરિવારની મહિલાઓ દ્વારા વૈદિક રીતિ-રીવાજ અનુસાર રક્ષા બંધાઈ.

ખાસ રીતે તૈયાર કરાયેલી વૈદિક રાખડી

આ રક્ષા સામાન્ય નહીં, પરંતુ ખાસ રીતે તૈયાર કરાયેલી વૈદિક રક્ષા હતી, જે લવિંગ, એલચી, તુલસીના પાંદડા અને બિલ્વપત્રની મૂળોથી, મંત્રોચ્ચાર સાથે બનાવવામાં આવી હતી. મંદિરને પણ વિશેષ રીતે શણગારવામાં આવ્યું હતું. મંદિરના ગર્ભગૃહ તેમજ નંદી હોલને રંગબેરંગી ફૂલો વડે સુંદર રીતે સજાવવામાં આવ્યા હતા, જેના કારણે આખું મંદિર આકર્ષક લાગી રહ્યું હતું.ભગવાન મહાકાલના દર્શન કરવા આવેલ ભક્તો મંદિરની સુંદર શોભા જોઈ ખુશ થયા અને મહાકાલની પ્રસાદી મેળવી સંતોષ અનુભવ્યો હતો.