બાંગ્લાદેશની આગામી લીગ પાર્ટીનો આરોપ છે કે ગયા વર્ષે જુલાઈમાં થયેલા હિંસક વિરોધ પ્રદર્શનો સ્વયંભૂ ક્રાંતિ ન હતા. પરંતુ વિદેશી દળોના સમર્થનથી ‘આયોજિત બળવો’ હતો.
જેનું નેતૃત્વ દેશની વચગાળાની સરકારના મુખ્ય સલાહકાર મોહમ્મદ યુનુસે કર્યું હતું. પક્ષે કહ્યુ હતુ કે, 5 ઓગસ્ટ 2024ના રોજ બાંગ્લાદેશે શેખ હસીનાના નેતૃત્વ હેઠળ લોકશાહી રીતે ચૂંટાયેલી સરકારનું પતન જોયું હતુ. જે લોકશાહી અને બંધારણનો અંત હતો.
શેખ હસીના વિરુદ્ધ કાવતરુ ?
આવામી લીગે જણાવ્યું હતું કે, આ બળવાના ષડયંત્રકારોએ ફક્ત શેખ હસીનાને જ હટાવ્યા નથી. તેમણે અને આવામી લીગે જે મૂલ્યોનું પ્રતિનિધિત્વ કર્યું હતું તે બધા મૂલ્યોને ભૂંસી નાખવાનો પ્રયાસ કર્યો હતો. એક જ ઝટકામાં, બંગબંધુના વારસા પર પ્રશ્ન ઉઠાવવામાં આવ્યો છે.
છેલ્લા 15 વર્ષની મહેનતથી મેળવેલી સિદ્ધિઓને બાજુ પર રાખવામાં આવી અને રાજ્ય મશીનરી તકવાદીઓને સોંપવામાં આવી હતી. નિવેદનમાં પક્ષે કહ્યુ હતુ કે, યુનુસ અને તેમના ઉચ્ચ શિક્ષણવિદો, NGO સંચાલકો અને વિદેશી સલાહકારોનું જૂથ લોકશાહી પુનઃસ્થાપિત કરવા માટે આવ્યા ન હતા.
તેઓ તેને તેમના હિતોને અનુરૂપ વ્યાખ્યાયિત કરવા આવ્યા હતા. તેઓએ એક પેઢીના રોષને હથિયાર બનાવ્યો. શોકગ્રસ્ત રાષ્ટ્રની લાગણીઓ પર રમ્યા અને કરોડો લોકો દ્વારા ચૂંટાયેલી સરકારને દૂતાવાસોના પાછળના રૂમમાં અને દાતા બોર્ડ રૂમના પાછળના રૂમમાં જન્મેલા કઠપૂતળી શાસન સાથે બદલી નાખી.”
યુનુસના બેવડા ધોરણોની ટીકા
આવામી લીગ પાર્ટીએ કહ્યું કે, જવાબમાં NGO-સમર્થિત નેટવર્ક્સ, વિદેશી દૂતાવાસો અને યુનુસ જેવા શક્તિશાળી લોકોના જોડાણ તરફ ઈશારો કરવામાં આવ્યો હતો. જેમના નોબેલ શાંતિ પુરસ્કારે એક અનુકૂળ ઢાલ તરીકે કામ કર્યું હતું. જ્યારે તેમણે તે શાંતિ અને લોકશાહીને નબળી પાડી હતી. જેને તેઓ સમર્થન આપવાનો દાવો કરતા હતા. યુનુસના બેવડા ધોરણોની ટીકા કરતા, આવામી લીગે કહ્યું કે પોતાને લોકશાહી સુધારાના સમર્થક ગણાવતા, તેઓ ચૂંટાયેલા પ્રતિનિધિઓ પર ટોળાના હુમલા, રાજ્ય સંસ્થાઓને ઉથલાવી પાડવા અને લોકશાહી પ્રણાલીને તોડી પાડવા અંગે સ્પષ્ટપણે મૌન રહ્યા. પાર્ટીએ કહ્યું કે યુનુસના સાથીઓ વિદેશી સમર્થનથી ઉત્સાહિત હતા કારણ કે પશ્ચિમી થિંક ટેન્ક અને મીડિયા આઉટલેટ્સને અચાનક શાસન પરિવર્તનને ટેકો આપવા માટે નૈતિક સમર્થન મળ્યું.