meetarticle
જંબુસરના ટંકારી ભાગોળ વિસ્તારમાં એક ખુલ્લી ગટરમાં ગાય ખાબકી જતાં અફરાતફરી મચી ગઈ હતી. સ્થાનિક લોકો અને ગૌરક્ષક વાલજી રબારીની મદદથી ગાયને ભારે જહેમત બાદ સુરક્ષિત બહાર કાઢવામાં આવી હતી. આ ઘટનાએ રખડતા પશુઓ અને ખુલ્લી ગટરોની સમસ્યા ફરી એકવાર ઉજાગર કરી છે.
ચોમાસાની શરૂઆત થતાં જ પશુઓને રસ્તા પર રખડતા મૂકી દેવાની ઘટનાઓ વધી રહી છે, જેના કારણે ટ્રાફિક અને નાગરિકોના જીવનું જોખમ વધી રહ્યું છે. ગઈકાલે બનેલી આ ઘટનામાં, ગૌરક્ષક વાલજી રબારીને જાણ થતાં તેઓ તરત જ ઘટનાસ્થળે પહોંચ્યા હતા અને સ્થાનિકોની મદદથી ગાયને બહાર કાઢીને તેનો જીવ બચાવ્યો હતો. આ ઘટના ગટરો પર ઢાંકણા ન હોવાની અને રખડતા પશુઓની ગંભીર સમસ્યા તરફ ધ્યાન દોરે છે. સ્થાનિકોએ તંત્રને આ સમસ્યાનું તાત્કાલિક નિવારણ લાવવા અપીલ કરી છે.
meetarticle