વર્ષ 2012ની આ વાત છે, જ્યારે મુકેશ અંબાણીએ સચિન તેંડુલકરની 100મી સદીની ઉજવણી માટે એક ભવ્ય પાર્ટીનું આયોજન કર્યું હતું. આ કાર્યક્રમ દરમિયાન સલમાન ખાને મસ્તીમાં સચિનને એક પ્રશ્ન પૂછ્યો કે, ‘શું તમને લાગે છે કે, કોઈ તમારો રેકોર્ડ તોડી શકશે? સરળ શબ્દોમાં કહીએ તો, કોઈ નહીં.
‘આ જ રૂમમાં આપણી સાથે બેઠેલા આપણા યુવાનો…’
…પરંતુ માસ્ટર બ્લાસ્ટર સચિન તેંડુલકરે આ સવાલ હસતાં હસતાં જવાબ આપ્યો, ‘આ જ રૂમમાં આપણી સાથે બેઠેલા આપણા યુવાનો, કોહલી અને રોહિત એવું કરી શકે છે.’ એટલે કે, માસ્ટર બ્લાસ્ટર સચિન તેંડુલકરે લગભગ 13 વર્ષ પહેલા 2012 માં એક આગાહી કરી હતી, અને હવે તે ભવિષ્યવાણી વિરાટ કોહલી માટે સાચી થવાની ખૂબ નજીક છે.વિરાટ આવતા મહિને, 5 નવેમ્બરે 37 વર્ષનો થઈ જશે. 2027 ના વર્લ્ડ કપ સુધીમાં તે 39 વર્ષની નજીક હશે, પરંતુ તેની ઉંમરને ધ્યાનમાં લીધા વિના તે મહાન સચિન તેંડુલકરના સદીના રેકોર્ડને તોડવા તરફ આગળ વધી રહ્યો છે.
રેકોર્ડ તોડવાથી આટલો નજીક છે વિરાટ
લગભગ 2 વર્ષ, 35 મેચ અને 19 સદી… આ આંકડા છે, જે ‘ચેઝ-માસ્ટર’ વિરાટ કોહલીના મગજમાં હાલમાં ચાલી રહ્યો હશે. કોહલી ‘માસ્ટર બ્લાસ્ટર’ સચિન તેંડુલકરના 100 સદીના રેકોર્ડને તોડવો છે તો તેને આંકડા પર નિર્ભર છે. ભારતીય ટીમે 2024 માં T20 વર્લ્ડ કપ જીત્યો ત્યારે વિરાટ કોહલી પ્લેયર ઓફ ધ મેચ હતો. મેચ પછી તરત જ કોહલી આ ફોર્મેટમાંથી નિવૃત્તિ લઈ લીધી. ત્યારબાદ તે જ વર્ષે 10 મે ના રોજ કોહલીએ ટેસ્ટ ક્રિકેટમાંથી નિવૃત્તિ લીધી.
કોહલી આ વર્ષે ફક્ત ચેમ્પિયન્સ ટ્રોફીમાં જ ભારત માટે રમ્યો હતો, જ્યાં તેની છેલ્લી આંતરરાષ્ટ્રીય સદી (100 અણનમ) 23 ફેબ્રુઆરીના રોજ દુબઈમાં પાકિસ્તાન સામે ફટકારી હતી. આ કોહલીની આંતરરાષ્ટ્રીય ક્રિકેટમાં 82મી સદી હતી, અને ODI માં તેની 51મી સદી હતી.
સચિનનો રેકોર્ડ તોડવા તેને 19 સદી ફટકારવી પડશે
કોહલીની પહેલા T20 આંતરરાષ્ટ્રીય અને પછી ODI ક્રિકેટમાંથી નિવૃત્તિ લીધા પછી સૌથી વધુ વારંવાર એ પ્રશ્ન પૂછાતો હતો કે, શું તે 100 સદીનો રેકોર્ડ તોડી શકશે. કોહલી હજુ પણ સચિન તેંડુલકરના રેકોર્ડથી 18 સદી પાછળ છે. કોહલી પાસે 51 ODI સદી, 30 ટેસ્ટ સદી અને એક T20 આંતરરાષ્ટ્રીય સદી છે. આ રીતે તેની કુલ આંતરરાષ્ટ્રીય સદી 82 થઈ ગઈ છે. સચિનને પાછળ રાખવા માટે તેને 19 સદી ફટકારવી પડશે.