ગઈકાલે વાનખેડે સ્ટેડિયમમાં મુંબઈ ઈન્ડિયન્સ અને KKR વચ્ચે મેચ યોજાઈ હતી. આ દરમિયાન સુહાના ખાન પોતાની ટીમને સપોર્ટ કરવા માટે પોતાની ફ્રેન્ડ્સ અનન્યા અને શનાયા તથા નાના ભાઈ સાથે સ્ટેડિયમમાં જોવા મળી હતી.
રવિવારે મુંબઈના વાનખેડે સ્ટેડિયમમાં મુંબઈ ઈન્ડિયન્સ (MI) અને કોલકાતા નાઈટ રાઈડર્સ (KKR) વચ્ચે ઈન્ડિયન પ્રીમિયર લીગ (IPL) 2026ની બીજી મેચ રમાઈ હતી. આ દરમિયાન KKRના કો-ઓનર અને સુપરસ્ટાર શાહરુખ ખાનની દીકરી સુહાના ખાન અને નાનો દીકરો અબરામ ખાન બોલીવુડ એક્ટ્રેસ અનન્યા પાંડે અને શનાયા કપૂર સાથે પોતાની ટીમને સપોર્ટ કરવા સ્ટેડિયમ પહોંચ્યા હતા. જોકે શાહરુખ ખાનની ટીમ મેચ હારી ગઈ હતી, પરંતુ આ દરમિયાન એક્ટરના બાળકોએ ખૂબ લાઇમલાઇટ મેળવી હતી. તેના વીડિયો સોશિયલ મીડિયા પર વાયરલ થઈ રહ્યા છે.
સ્ટેડિયમથી વાયરલ થઈ રહેલા વીડિયો અને તસવીરોમાં સુહાના ખાન અને તેની ખાસ બહેનપણીઓ અનન્યા અને શનાયા મેચ માટે એકસરખા કપડામાં જોવા મળી રહી છે. મેચ નાઈટ માટે સુહાના અને તેની ગર્લ ગેંગે પોતાની ટીમના લોગોવાળા વ્હાઈટ ટેન્ક ટોપ પહેર્યા હતા. આ ત્રણેયે ટોપ સાથે બ્લૂ જીન્સ પહેર્યું હતું. બીજી તરફ સુહાના અને તેની સખીઓનો સાથ આપતા અબરામ ખાન પણ જોવા મળ્યો હતો, જે બ્લેક કલરની ટી-શર્ટ અને શોર્ટ્સમાં એકદમ કેઝ્યુઅલ લુકમાં નજર આવ્યો હતો.
સ્ટેડિયમથી સામે આવેલી તસવીરો અને વીડિયોમાં આ ગ્રુપ રવિવારે પોતાની ટીમ કોલકાતા નાઈટ રાઈડર્સની છ વિકેટે હાર બાદ સ્ટેડિયમની બહાર નીકળતી વખતે ઉદાસ પણ દેખાયું હતું. જોકે આખી મેચ દરમિયાન આ બધાએ ખૂબ મસ્તી અને વાતો કરી હતી. તેઓ બધા ખૂબ જ ઉત્સાહમાં દેખાતા હતા.
અનન્યાના અપકમિંગ પ્રોજેક્ટ્સની વાત કરીએ તો તેની પાસે આવનારી ફિલ્મોનું લાંબુ લિસ્ટ છે. આશા છે કે તે ‘દરબદર’, ‘ચાંદ મેરા દિલ’ અને ઈમ્તિયાઝ અલીની એક ફિલ્મ ઉપરાંત અન્ય કેટલીક ફિલ્મોમાં પણ જોવા મળશે. જ્યારે સુહાના ખાન ‘કિંગ’માં જોવા મળશે. આ ફિલ્મમાં તે તેના પિતા અને સુપરસ્ટાર શાહરુખ ખાન સાથે સ્ક્રીન શેર કરતી જોવા મળશે. આ ફિલ્મ 24 ડિસેમ્બરે મોટા પડદા પર રિલીઝ થવાની છે.