ઇંગ્લેન્ડના યુવા વિસ્ફોટક બેટ્સમેન જેકબ બેથેલે ભારત સામેની બીજી સેમિફાઇનલમાં શાનદાર સદી ફટકારી.તેણે ઇંગ્લેન્ડની ઇનિંગ્સની 20મી ઓવરમાં રન આઉટ થતાં પહેલાં 48 બોલમાં 105 રન બનાવ્યા,જેમાં આઠ ચોગ્ગા અને સાત છગ્ગાનો સમાવેશ થાય છે.બેથેલે આ મેચમાં સદી ફટકારી,પરંતુ તે પોતાની ટીમને વિજય તરફ દોરી શક્યો નહીં.જોકે,સદી ફટકારીને તેણે એક એવો રેકોર્ડ બનાવ્યો જે આંતરરાષ્ટ્રીય ક્રિકેટમાં પહેલાં કોઈ અન્ય ખેલાડીએ હાંસલ કર્યો ન હતો.

બેથેલે સદી ફટકારીને એક અનોખો રેકોર્ડ બનાવ્યો

જેકબ બેથેલ ક્રિકેટ ઇતિહાસમાં પ્રથમ ખેલાડી બન્યા જેમણે આંતરરાષ્ટ્રીય મેચમાં લિસ્ટ A,ફર્સ્ટ-ક્લાસ અને T20 ફોર્મેટમાં પોતાની પહેલી સદી ફટકારી.તેમની પહેલાં કોઈ ખેલાડીએ આ રેકોર્ડ હાંસલ કર્યો ન હતો.વાનખેડે સ્ટેડિયમમાં ફટકારેલી સદી બેથેલની T20 કારકિર્દીની પહેલી સદી હતી.તે આંતરરાષ્ટ્રીય ક્રિકેટમાં પોતાની પહેલી ફર્સ્ટ-ક્લાસ,લિસ્ટ A અને T20 સદી ફટકારનાર વિશ્વનો પ્રથમ ખેલાડી બન્યો.બેથેલના નામે ડેબ્યૂ પહેલા કોઈ સદી નહોતી,પરંતુ હવે તેણે ત્રણેય ફોર્મેટમાં સદી ફટકારી છે.

જેકબ બેથેલ દિગ્ગજોની યાદીમાં જોડાયા

જેકબ બેથેલ T20 વર્લ્ડ કપમાં સદી ફટકારનાર ચોથો ઈંગ્લેન્ડનો બેટ્સમેન બન્યો.તેના પહેલા,2014 માં એલેક્સ હેલ્સે શ્રીલંકા સામે સદી ફટકારી હતી.2021માં જોસ બટલર અને હેરી બ્રુકે એક જ વર્લ્ડ કપમાં શ્રીલંકા અને પાકિસ્તાન સામે સદી ફટકારી હતી.હવે જેકબ બેથેલ આ દિગ્ગજોની યાદીમાં જોડાયા છે.બેથેલે ટીમ ઈન્ડિયા સામે સદી ફટકારી હતી.

બેથેલે ફિન એલનનો રેકોર્ડ તોડ્યો

22 વર્ષીય બેથેલે 105 રન બનાવીને ICC T20 વર્લ્ડ કપ નોકઆઉટમાં સૌથી વધુ ઇનિંગ્સનો રેકોર્ડ બનાવ્યો છે.ન્યુઝીલેન્ડના ફિન એલને પ્રથમ સેમિફાઇનલમાં સદી ફટકારીને ઇતિહાસ રચ્યો. તે T20 વર્લ્ડ કપ નોકઆઉટમાં સદી ફટકારનાર પ્રથમ ખેલાડી બન્યો. તેણે દક્ષિણ આફ્રિકા સામેની મેચમાં 100 રનની અણનમ ઇનિંગ્સ રમી હતી.બીજા દિવસે બેથેલે 105 રન બનાવીને ફિન એલનનો રેકોર્ડ તોડ્યો.આ હાર સાથે ઇંગ્લેન્ડ વર્લ્ડ કપમાંથી બહાર થઈ ગયું.2026 T20 વર્લ્ડકપની ફાઇનલ ભારત અને ન્યુઝીલેન્ડ વચ્ચે 8 માર્ચે અમદાવાદના નરેન્દ્ર મોદી સ્ટેડિયમ ખાતે રમાશે.