સુરતમાં દારૂબંધીના કાયદાનો ભંગ કરીને થતી ગેરકાયદેસર પ્રવૃત્તિઓ પર પોલીસે ફરી એકવાર તવાઈ ઉતારી છે. શહેરના રાંદેર વિસ્તારમાં આવેલી આશીર્વાદ સોસાયટીના એક મકાનમાં ચાલતી દારૂની મહેફિલ પર પોલીસે દરોડો પાડીને મોટી કાર્યવાહી કરી છે.
પોલીસે મકાન નંબર 1૭માં ચાલતી આ મહેફિલમાંથી પાંચ મહિલાઓ સહિત કુલ 13 લોકોની અટકાયત કરી છે. પોલીસની આ કાર્યવાહીથી સ્થાનિક વિસ્તારમાં ચકચાર મચી ગઈ છે.મળતી માહિતી મુજબ, પોલીસે બાતમીના આધારે આ દરોડો પાડ્યો હતો. જ્યારે પોલીસ ટીમ મકાનમાં પહોંચી, ત્યારે ત્યાં હાજર લોકો દારૂની મહેફિલ માણી રહ્યા હતા. પોલીસે સ્થળ પરથી દારૂની બોટલો, ગ્લાસ અને અન્ય સંબંધિત વસ્તુઓ પણ જપ્ત કરી છે. આ ઘટના દર્શાવે છે કે શહેરમાં પ્રતિબંધ હોવા છતાં કેવી રીતે સહેલાઈથી દારૂની પાર્ટીઓનું આયોજન થઈ રહ્યું છે. આ મહેફિલમાં સામેલ લોકોમાં મહિલાઓનો પણ સમાવેશ થતા સમાજમાં ચિંતાનું વાતાવરણ સર્જાયું છે.પોલીસે અટકાયત કરાયેલા તમામ 13 લોકો સામે દારૂબંધી કાયદા હેઠળ ગુનો નોંધીને કાયદેસરની કાર્યવાહી હાથ ધરી છે. આ ઘટના પોલીસ માટે એક પડકારરૂપ છે, કારણ કે આવા કિસ્સાઓ સમાજમાં ગેરકાયદેસર પ્રવૃત્તિઓને પ્રોત્સાહન આપે છે. પોલીસ દ્વારા કરવામાં આવેલી આ કાર્યવાહી સમાજમાં એક સકારાત્મક સંદેશ આપશે કે કાયદાનું ઉલ્લંઘન કરનારાઓને બક્ષવામાં નહીં આવે. આ ઘટના બાદ પોલીસ દ્વારા શહેરમાં અન્ય આવા સ્થળો પર પણ નજર રાખવામાં આવી રહી છે.
રિપોર્ટર
સુનિલ ગાંજાવાલા
સુરત