ફરીદાબાદ મોડ્યુલ કેસની તપાસને લઇને યુપી એટીએસ અને દિલ્હી સ્પેશિયલ સેલની ટીમ અલ ફલાહ યુનિવર્સિટી પરિસરમાં તપાસ કરી રહી છે.યુપી એટીએસ અને દિલ્હી સ્પેશિયલ સેલની ટીમ અલ ફલાહ યુનિવર્સિટી પરિસરમાં તપાસ કરી રહી છે. ટીમ વિદ્યાર્થીઓ અને સ્ટાફની પૂછપરછ કરી રહી છે. પોલીસ ટીમ સતત યુનિવર્સિટીની અંદર જઇને પૂછપરછ કરી રહી છે. ત્યાં અલ ફલાહ વિશ્વવિદ્યાલયના કુલપતિ પ્રો. ડૉ. ભૂપિંદર કૌર આનંદએ એક નિવેદન જાહેર કર્યું છે.
કુલપતિ પ્રોફેસર ડૉ. ભૂપિંદર કૌર આનંદએ નિવેદનમાં કહ્યું છે કે અમે આ દુર્ભાગ્યપૂર્ણ ઘટનાથી વ્યથિત છીએ અને અમે નિંદા કરીએ છીએ. હરિયાણા સ્થિત અલ-ફલાહ યુનિવર્સિટીએ ફરીદાબાદ મોડ્યુલ કેસમાં અટકાયત કરાયેલા ડોકટરો સાથે કોઈપણ પ્રકારના સંબંધનો સ્પષ્ટપણે ઇનકાર કર્યો છે. યુનિવર્સિટીએ ભ્રામક અહેવાલોની સખત નિંદા કરી છે અને આરોપોને પાયાવિહોણા અને બદનક્ષીભર્યા ગણાવ્યા છે. કુલપતિ પ્રોફેસર ડૉ. ભૂપિન્દર કૌર આનંદે જણાવ્યું હતું કે કેમ્પસ લેબમાં કોઈ રસાયણો અથવા ગેરકાયદેસર સામગ્રીનો ઉપયોગ થતો નથી. તેમણે સ્પષ્ટતા કરી હતી કે યુનિવર્સિટીની લેબનો ઉપયોગ ફક્ત MBBS તાલીમ હેતુ માટે થાય છે. અલ-ફલાહ ગ્રુપે આ ઘટના પર ઊંડો શોક વ્યક્ત કર્યો છે .
યુનિવર્સિટીએ કેમ્પસ સુવિધાઓના દુરુપયોગના આરોપો સાથે ઓનલાઈન પ્લેટફોર્મ પર ફરતા અહેવાલોને નકારી કાઢ્યા. નિવેદનમાં કહેવામાં આવ્યું છે કે કેટલાક પ્લેટફોર્મ્સ દ્વારા દાવો કરવામાં આવ્યો છે તેમ, કેમ્પસમાં કોઈ રસાયણો અથવા સામગ્રીનો ઉપયોગ, સંગ્રહ અથવા હેન્ડલ કરવામાં આવતો નથી. નિવેદનમાં ઉમેરવામાં આવ્યું છે કે MBBS અને અન્ય અધિકૃત અભ્યાસક્રમો માટે બધી લેબ પ્રવૃત્તિઓ કડક નિયમનકારી, સલામતી અને નૈતિક ધોરણો હેઠળ હાથ ધરવામાં આવે છે. યુનિવર્સિટીએ કેટલાક મીડિયા આઉટલેટ્સ પર ખોટા અને બદનક્ષીભર્યા સમાચાર ફેલાવીને તેની પ્રતિષ્ઠાને નુકસાન પહોંચાડવાનો આરોપ મૂક્યો છે. અલ-ફલાહ ગ્રુપે સમાજમાં ગેરસમજ ઉભી કરતા આવા સમાચાર ટાળવા માટે પણ અપીલ કરી હતી.
વાઈસ ચાન્સેલર આનંદે યુનિવર્સિટીનો બચાવ કરતા એક સત્તાવાર નિવેદન જાહેર કરતા જણાવ્યું કે અલ-ફલાહ યુનિવર્સિટી 2014થી એક માન્ય ખાનગી યુનિવર્સિટી તરીકે કાર્યરત છે અને તેની મેડિકલ કોલેજ 2019 થી MBBS વિદ્યાર્થીઓને તાલીમ આપી રહી છે. યુનિવર્સિટીએ તાજેતરની ઘટનાઓ પર ઊંડો દુ:ખ વ્યક્ત કર્યો હતો અને અસરગ્રસ્તો પ્રત્યે સંવેદના વ્યક્ત કરી હતી. નિવેદનમાં સ્પષ્ટતા કરવામાં આવી હતી કે તપાસ એજન્સીઓએ યુનિવર્સિટી સાથે સંકળાયેલા બે ડોકટરોની અટકાયત કરી છે, પરંતુ યુનિવર્સિટીનો આ વ્યક્તિઓ સાથે તેમની સત્તાવાર ફરજો સિવાય કોઈ સંબંધ નથી.