ડભોઇ તાલુકાના ઐતિહાસિક અને કૃષિ ક્ષેત્રે અત્યંત મહત્ત્વપૂર્ણ એવા વઢવાણા ગામનું તળાવ હાલ વહીવટી અવ્યવસ્થા અને બેદરકારીનો ભોગ બની રહ્યું છે. આ વિશાળ તળાવ, જેનું નિર્માણ સો વર્ષ પહેલાં ગાયકવાડી શાસન દરમિયાન કરવામાં આવ્યું હતું, તે તેની ભવ્યતા અને દૂરંદેશી માટે જાણીતું છે.
આ તળાવ આશરે 16 કિલોમીટરના વિસ્તારમાં ફેલાયેલું છે અને પરંપરાગત રીતે 32 ગામોના હજારો ખેડૂતો માટે સિંચાઈના પાણીનો મુખ્ય સ્ત્રોત રહ્યું છે જર્જરિત કેનાલો અને ખેતરોમાં નુકસાન ગાયકવાડી શાસનની એન્જિનિયરિંગ કલાના ઉત્તમ ઉદાહરણરૂપ, તળાવના આગળ અને પાછળના ભાગે ચાર મુખ્ય કેનાલો બનાવવામાં આવી હતી, જે ખેતરો સુધી પાણી પહોંચાડવાનું કાર્ય કરતી હતી. જોકે, છેલ્લા ઘણા સમયથી આ કેનાલોની સ્થિતિ અત્યંત જર્જરિત બની ગઈ છે.
કેનાલો તૂટી ગયેલી: ઘણી જગ્યાએ કેનાલોની દીવાલો તૂટી ગઈ છે, જેના કારણે પાણીનો મોટા પાયે બગાડ થઈ રહ્યો છે.ગંદકી અને જંગલી વેલાનું સામ્રાજ્ય: કેનાલોના અંદરના ભાગમાં ગંદો કચરો અને ગાઢ જંગલી વેલા ઉગી નીકળ્યા છે, જેણે પાણીના પ્રવાહને સંપૂર્ણપણે અવરોધિત કરી દીધો છે.નુકસાનકારક લિકેજ: તળાવનું પાણી બંધ હોવા છતાં, કેનાલોમાં હાલ પણ આશરે ત્રણ-ત્રણ ફૂટ જેટલું પાણી ભરાયેલું રહે છે. જર્જરિત હોવાને કારણે આ પાણી ખેતરોમાં લિકેજ થઈ રહ્યું છે, જેના કારણે ખેડૂતોને તેમના પાકમાં મોટું નુકસાન થઈ રહ્યું છે.આઝાદી પછી આજદિન સુધી ગાયકવાડી શાસન દરમિયાન બનેલી આ કેનાલોનું કોઈ મોટું કે અસરકારક રિપેરિંગ કામ કરવામાં આવ્યું નથી. ખેડૂતો આ મામલે ભારે પરેશાન છે અને તાત્કાલિક સમારકામની માંગ કરી રહ્યા છે. કરોડોની ગ્રાન્ટ ક્યાં ગઈ? કાગળ પરની સફાઈ ખેડૂતો દ્વારા કરવામાં આવેલી રજૂઆતો મુજબ, આશરે ત્રણ વર્ષ પહેલાં આ કેનાલોને નવી બનાવવા માટે કરોડો રૂપિયાની ગ્રાન્ટ મંજૂર થઈ હોવાનું કહેવાય છે. જોકે, ગ્રાન્ટ મંજૂર થયાના આટલા લાંબા સમય બાદ પણ, જમીન પર એક પણ ઠીંગરું મારવામાં આવ્યું નથી કે કોઈ મોટું કામ શરૂ કરવામાં આવ્યું નથી.વધુમાં, કેનાલોની સાફ-સફાઈ માત્ર કાગળ પર જ થતી હોવાનું લાગી રહ્યું છે. દર વર્ષે ચોપડે સફાઈના ખર્ચાઓ બતાવાતા હશે, પરંતુ વાસ્તવિકતામાં કેનાલો કચરા અને વેલાઓથી ભરેલી છે, જે સ્પષ્ટ દર્શાવે છે કે સ્થળ પર કોઈ નિયમિત સફાઈ થતી નથી ડભોઇના ખેડૂતો અને 32 ગામોના લોકોને રાહત આપવા માટે વહેલી તકે વહીવટી તંત્ર જાગે તે જરૂરી છે
REPOTER : ફકીરા ખત્રી ડભોઈ